Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (3. Teil, 1. Band): Monographie — Berlin, 1871

Seite: 87
Zitierlink: i
http://digi.ub.uni-heidelberg.de/diglit/AmelungJaenicke1871/0153
Lizenz: Creative Commons - Namensnennung - Weitergabe unter gleichen Bedingungen
facsimile
WOLFDIETRICH A. II. 87

uz dem selben rate er sich dar umbe nam:

er wolt daz die getriuwen wurden an einander gram.

51 Berhtunc der wart heimliche zuo dem künege Jbräht.

dö sprach der alte wise 'wes ist nu gedäht?

herre, lät mich hoeren, waz disiu maere sint.'

mit jämer sprach der Krieche 'du solt treten mir min kint

52 Heimliche und so verholne, daz sin niemen werde gewar.'

dö sprach der vil getriuvve 'seht, daz behüete ich gar.

ich wil an sinem töde vil gar unschuldic sin.

mir wsere leit swer tote den erbeherren min.'

53 Der künec sprach 'nu gedenke, Berhtunc von Merän,

daz ich niht so getriuwes in minem riche hän,

und läz mich des geniezen, daz man dir triuwe giht.

du solt daz kindel toeten.' er sprach 'ich entoet sin niht.'

54 'Unser zweier triuwe ie mere gescheiden sint.

du hast üf Lilienporte sehszehen schoeniu kint,

unlange juncherren, unde ein schoenez wip:

die heize ich alle toeten, du ennemest dem kinde sinen lip.

55 Die dir suln liep von rehte und ouch billiche sin,

die heize ich alle hähen an die zinnen din,

und ze aller vorderst dir ouch selben nemen daz leben.'

'ich wil gelt so grözen niht wider daz eine geben,'

56 So gedähte der getriuwe: 'ez ist niht also guot.

ich tuo swaz er mich heize: vil grimme ist sin muot.

e danne er mich hienge, miniu kint und min wip,
wolt er michs niht erläzen, ich meme im e den lip.'

57 Dö sprach er zuo dem künege 'weit ir michs niht erlän,

so wil ichz gerne erteeten' sprach Berhtunc von Merän.

'sit ir niht weit erwinden oder ez geschehe,

so solt ir mirz antwurten, daz ez nie man ersehe.'

58 Des gäben si dö triuwe an einander da.

Berhtunc wa?r aber gerner gewesen anderswä.

daz ist diu ander sorge, daz erleit daz kindelin.

noch lebte üf Garte in jämer diu arme künigin.

52,4 laide tötet 54,1 nimmer mer 4 du benembst dann; vgl. 133,4.

415,3. vgl. Ortn. 73,4. 122,2. 4. 124,4. u. ö. 55,1 sullen dir vil Milien

3 vordrist selber 4 so grossen gelt 56,1 Da 4 im selber 57,2

Berchtunge 3 erwinden] empern. 58,4 arme fehlt vgl. 33,4. 162,4
loading ...