Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (3. Teil, 1. Band): Monographie — Berlin, 1871

Seite: 90
Zitierlink: i
http://digi.ub.uni-heidelberg.de/diglit/AmelungJaenicke1871/0156
Lizenz: Creative Commons - Namensnennung - Weitergabe unter gleichen Bedingungen
facsimile
90 WOLFDIETRICH A. III.

76 Dö zucte er üz dem bette daz kint, da er ez vant.

durch sinen tot daz mezzer truoc er an der hant.

got gap im da ze heile daz daz kindel slief:

anders het erz ermordet. Berhtunc im aber rief

77 'Wie lange wilt du biten? ez ist gen dem tage.

gip mir daz kint bi ziten, daz ich ez fürder trage,

e dan diu frouwe erwache und uns melde des morgens schin.'

vil sanfte sprach der Krieche 'nu nim hin daz kindelin.'

78 Berhtunc der getriuwe sinen herren enphienc.

von der kemenäten er vil lise gienc.

do er kam für daz gewelbe, dö gienc er näher baz

unz für die burcporten: üf daz ros er gesaz.

79 In sinen regenmantel want er daz kindelin.

er sprach ze dem torwarten 'und gewehenest du min,

ich slahe dir abe daz houbet und wirf dich in den graben:

verswigst ab du die reise, du mäht sin frum gehaben.'

80 Swie ebene ab er sich sazte, der reise in doch verdröz.

der torwarte im legte daz kindel in die schöz.

er reit über die brücke, im lühte des morgens schin:

reht an der burcliten erwacht daz kindelin.

81 Do rief ez in den sorgen, alse ein kindel tuot,

daz ouch ze solhem töde hat deheinen muot.

ez sprach erbermicliche 'muoter, decke mich.'

der alte sprach in zorne 'ich enruoche, und friuset dich.'

82 Als im der liehte morgen und ouch diu sunne erschein,

er gedähte an sine triuwe, dö was er alters ein.

als der sunnen blicke durch die Hehten wölken brach,

er was geriten so verre, daz in niemen sach.

83 Die stige und ouch die sträze er durch vorhte vermeit.

durch walt und durch gevilde er mit im schäches reit.

do erwachete in den stunden vil gar daz kindelin.

do vergaz ez sines frostes und spilte mit den ringen sin.

84 Also daz kleine kindel siner sorgen gar vergaz,

dö greif ez an die ringe und sprach 'waz ist daz ?'

des halsperges schoene daz kindel nie verdröz.
daz ersach der Krieche: sin jämer wart vil gröz.

76,1 ers 4 ermordt im] er rueff 77,2 ichs 3 erwacht 79,3

in das graben 4 aber 80,1 aber 2 kindlein 3 leuchtet morgen

81,1 rueffet 82,4 nyemands 83,2 walde gewilde? 84,4 war
loading ...