DOI Page / Citation link:
https://doi.org/10.11588/diglit.2039#0158
92 WOLFDIETRICH A. III.
94 Ez kam von siner seelde, die rösen ez vermeit.
dö gienc ez von dem brunnen hin üf den anger breit,
durch sine kurzwile viel ez üf daz grüene gras.
ez ahtes harte kleine daz ez alters ein da was.
95 Berhtunc der getriuwe was listic unde karc.
sin ros in loubes dicke und sich selben er verbarc.
er sprach 'im waere ich gerne disen tac bi dir:
ich fürhte, ob dir iht werre, du vliehest her ze mir.
96 Ich wil doch bi dir wachen zwäre dise naht.
du muost benamen sterben, so ich dich als verr hän bräht.
ich wil gröz wunder hinte an dinem libe sehen:
und gelebest ouch du unz morgen, ez mac fürbaz geschehen.'
97 Daz kint was alters eine und hete kumbers niht.
ez warte des genäden von dem man wunder siht.
der phlac sin wol mit triuwen, sin helfe ez niht betrouc.
daz wip was im ze verre, der brüstelin ez souc.
98 Er saz unz an den äbent, diu sunne gar verswant.
dö brach der liehte mäne durch die wölken sä ze hant.
dö huop sich zuo dem brunnen durch hitze manic wilt.
dö was aber niemen des kindes frideschilt.
99 Swaz wildes ezzen niuzet, daz mac wazzers niht enbern.
genas daz kleine kindel, des muoste ez got gewern.
zuo dem brunnen liefen lewen bern wiltswin:
mitten under dem gewilde saz daz kindelin.
100 Swaz wildes wazzer wolte, daz muoste et allez dar.
ze jungest kam geloufen der wolve ein michel schar
in starkem hungers gite, als man si loufen siht.
der hunger twanc si sere und täten dem kinde niht.
joi Von söezes libes smacke wart in daz kindel kunt.
von grözer hungers noete iegeliches wolves munt
daz kindelin beginte: undr in allen ez da saz.
so sat wart iegelicher, daz er des kindes niht enaz.
102 Si säzen zeinem ringe umb daz kint üf daz gras.
Berhtunc durch daz wunder hin nach geslichen was.
er sprach 'nu muoz ich schouwen, daz ich noch nie gesach:
mich wundert daz die wolve dir tuont kein ungemach.'
94,4 achtet des 95,2 er fehlt 4 were 96,2 bey namen verre
habe 4 unz] bis vgl 104,4. 355,4. 455,1. Orin. 61,1. 369,3 97,2 wartet
manig wunder 98,3 prunne 4 da 99,1 nuesset wasser 3 wild-
swein hirssen und pern K 39 4 geuilde 100,4 tetten 101,1 leibe
gesmache 2 grossem 3 vnder do 4 yeglich nicht ass 102,1 zu einem
2 hienach
94 Ez kam von siner seelde, die rösen ez vermeit.
dö gienc ez von dem brunnen hin üf den anger breit,
durch sine kurzwile viel ez üf daz grüene gras.
ez ahtes harte kleine daz ez alters ein da was.
95 Berhtunc der getriuwe was listic unde karc.
sin ros in loubes dicke und sich selben er verbarc.
er sprach 'im waere ich gerne disen tac bi dir:
ich fürhte, ob dir iht werre, du vliehest her ze mir.
96 Ich wil doch bi dir wachen zwäre dise naht.
du muost benamen sterben, so ich dich als verr hän bräht.
ich wil gröz wunder hinte an dinem libe sehen:
und gelebest ouch du unz morgen, ez mac fürbaz geschehen.'
97 Daz kint was alters eine und hete kumbers niht.
ez warte des genäden von dem man wunder siht.
der phlac sin wol mit triuwen, sin helfe ez niht betrouc.
daz wip was im ze verre, der brüstelin ez souc.
98 Er saz unz an den äbent, diu sunne gar verswant.
dö brach der liehte mäne durch die wölken sä ze hant.
dö huop sich zuo dem brunnen durch hitze manic wilt.
dö was aber niemen des kindes frideschilt.
99 Swaz wildes ezzen niuzet, daz mac wazzers niht enbern.
genas daz kleine kindel, des muoste ez got gewern.
zuo dem brunnen liefen lewen bern wiltswin:
mitten under dem gewilde saz daz kindelin.
100 Swaz wildes wazzer wolte, daz muoste et allez dar.
ze jungest kam geloufen der wolve ein michel schar
in starkem hungers gite, als man si loufen siht.
der hunger twanc si sere und täten dem kinde niht.
joi Von söezes libes smacke wart in daz kindel kunt.
von grözer hungers noete iegeliches wolves munt
daz kindelin beginte: undr in allen ez da saz.
so sat wart iegelicher, daz er des kindes niht enaz.
102 Si säzen zeinem ringe umb daz kint üf daz gras.
Berhtunc durch daz wunder hin nach geslichen was.
er sprach 'nu muoz ich schouwen, daz ich noch nie gesach:
mich wundert daz die wolve dir tuont kein ungemach.'
94,4 achtet des 95,2 er fehlt 4 were 96,2 bey namen verre
habe 4 unz] bis vgl 104,4. 355,4. 455,1. Orin. 61,1. 369,3 97,2 wartet
manig wunder 98,3 prunne 4 da 99,1 nuesset wasser 3 wild-
swein hirssen und pern K 39 4 geuilde 100,4 tetten 101,1 leibe
gesmache 2 grossem 3 vnder do 4 yeglich nicht ass 102,1 zu einem
2 hienach