Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (3. Teil, 1. Band): Monographie — Berlin, 1871

Seite: 144
Zitierlink: i
http://digi.ub.uni-heidelberg.de/diglit/AmelungJaenicke1871/0210
Lizenz: Creative Commons - Namensnennung - Weitergabe unter gleichen Bedingungen
facsimile
144 WOLFDIETRICH A. XIII

539 Nu muoz ich tegelichen liden vil gröze not,

daz mir nu endicliche vil lieber waere der tot.

ja muotet mir ze wibe, der undr Ortnfden saz:

richer got von himele, dir si geklaget daz.

540 Sit Ortnit min herre ze jungest von mir sehiet,

sit het ich leider niemen, der ihtes mich beriet,
des ist mir sorge und jämer ze allen ziten kunt.

man git mir mines geldes niuwan kupfers hundert pfunt.

541 Da muoz ich mich zem järe mit nagten mit betragen.

swaz ich und mine frouwen mit handen mac bejagen,

daz ist min gelt zem järe, des ich mich neren muoz.

der süeze got von himele, der tuo mir sin schiere buoz.

542 Nu gedenke, künic here, do ich erste bi dir lac,

wie rehte tugentliche din küener lip min phlac!

ich leist durch dinen willen gar eine herte vart:

dar an solt du gedenken, vil edeliu forsten art.'

543 'Ich binz niht iuwer herre, ich bin ein vertribner man,

der weder lant noch liute noch erbe nie gewan.

gar äne mine schulde so bin ich vertriben:

mir ist sicherlichen niht wan schilt und sper beliben.

544 Dar zuo min ros gesatelt, des muoz ich mich begän.

ich bin in disem lande gar ein eilender man.

ich klaget iu gerne, frouwe, mine gröze not:

nu ist iuwer manicvelter umb des edelen herren tot.'

545 'Waz möht ir, ellensricher, iurs leides mir geklagen ?

man hat in manegen landen von mir einen vil ze sagen.

man saget in disem lande mines herren tot:

des lide ich hie ze Garte jämer und gröze not.'

546 'Nu sagt mir, küniginne, wie mac ez umbe in stän ?'

'ich sante uz disem hüse ein wol begarten man,
der wolle an den wurmen rechen sinen zorn:
da von hän ich den lieben herren min verlorn.'

547 Er sprach 'durch äventiure bin ich her komen:

iuwer klage, frouwe, hän ich wol vernomen:

ichn reche iuch an den wurmen, si müezen mich nach im tragen.

mich erbarmet harte sere sus getänez klagen.'

540,4 nun 541,2 frouwen] fräulin 542,1 here] herre 2 mein

dein kuener leib phlag 3 durch den 543,2 oder leute oder 544,2 eilend

3 euch 4 ewr klage 545,1 ir] möcht ich ewr 546,2 herre ich

einen 547,3 ich rech- oder si 4 sust
loading ...