Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (3. Teil, 1. Band): Monographie — Berlin, 1871

Seite: 145
Zitierlink: i
http://digi.ub.uni-heidelberg.de/diglit/AmelungJaenicke1871/0211
Lizenz: Creative Commons - Namensnennung - Weitergabe unter gleichen Bedingungen
facsimile
WOLFDIETRICH A. XIII. 145

548 'Daz wil ich widerraten' sprach frou Liebegart.

'zwelf manne sterke het Ortnit min zart:

den hat der würme einer in den stein getragen.

ir muget wol hie beliben, lät mich in eine klagen.

549 Wä mite het ich verdienet' sprach daz reine wip

'daz ir durch minen willen solt wägen iuwern lip?

daz geverte ist nach den wurmen vil swinde in den tan:

ich wil iu, degen, raten daz ir hie sult bestän.'

550 Do sprach der riter edele 'des mac niht ergän.

ich bestän si endiclichen, vind ich si in dem tan.

sit si sich mordes vlizent, si iäzent mir ir Jip.

der msere sult ir biten, vil tugentrichez wip.'

551 Lrloup gerte er dannen, si bat in stille stän.

'saget mir, riter edele, wie ist iuwer name getan?

durch iuwer tugende willen nennt iuch, küener man,

deich got umb iuwer ere dest baz geflegen kan.!

552 Er sprach 'küniginne, des enmac niht wesen.

ich muoz e da ze walde sterben oder genesen.'

er gie ze sinem rosse, des habe er immer danc:

gewäpent äne Stegreif er in den satel spranc.

553 Sere weinende sprach frou Liebgart

'owe mines herren, ditz gelichet siner vart!

wilt du mich baz versuochen ?' sprach aber daz reine wip.

'got durch sine güete behalte dinen lip!'

554 Ein puneiz üf dem rosse tet er üf dem graben

harte baldecliche, als wirz vernomen haben,

er neic der küniginne: von danne was im gäch.

im tet diu tugentriche vil manegen segen nach.

555 Do kerte er von der bürge durch den vil tiefen tan

her nider gen der Etsche, da vant der kiiene man

die rehten lantsträzen; die reit der helt sä:

Wolf Dietrichs äventiure ist aber einiu da.

548,2 manues 3 het der wurm 550,3 seit sich mortes vleissen iren

551,4 daz ich umb ae (fFolfd. D VIII" = 1583,4 Holtzm.), vnd A 552,1

mag Aae 2 muess A müs e müs a 4 sprang ae, do sprang A 554,1 Einen

puuetz auf den A, von dem ae 3 naiget

10
loading ...