DOI Seite / Zitierlink:
https://doi.org/10.11588/diglit.2039#0213
WOLFDIETRICH A. XIV. 147
563 Der was dem wurme enpfallen in der selben stunt.
er beizte zuo der erde, gröz jämer wart im kunt.
er sprach 'owe, recke, din kumber ist mir leit.
du mäht wol edele wesen: sidin sint diniu kleit.
504 Du mäht sicherlichen wol forsten künne sin.1
er vant an siner hende zwei richiu vingerlin.
stucke von gewande lägen umbe den kreiz:
bluotic was diu sträze, in begöz ein angestsweiz.
565 Eines wibes stimme die hörte er sere klagen:
diu was in den ziten mit sorgen umbetragen.
diu was ein graevinne: wie künde ir leider wesen?
eines degenkindes diu frouwe was genesen.
566 Der vor im lac töter, der was gewesen ir man.
si bete sich verloufen von den liuten in den tan.
dar ilte baldiclichen der degen üz erkant.
si bot üz unkreften im ir vil wizen hant.
567 Ir was von unkreften ir spräche gar gelegen.
daz begunde erbarmen den üz erweiten degen.
dar nach in kurzer wile diu frouwe sich versan:
si begunde zehant fragen den ritter wol getan.
568 Do sprach gezogenliche der forste vil stolz
'saget mir, frouwe edele, wer brähte iuch in daz holz?'
'herre, mir nam ein der würme den aller liebsten man,
den in diser weite dehein frouwe ie gewan.
569 In einem boumgarten hiut morgen daz geschach.
da von sicherlichen min freude aldä zerbrach:
er was milte des guotes und gar ein werder man.
ich stal mich vor den liuten da her in disen tan.
570 Freude ist mir gezucket, nu hän ich funden not'
sprach diu tugentriche, 'nu nahet mir der tot.'
dö sprach der ritter edele 'frowe, ir mugt wol genesen.
ob sin got geruoehet, ich sol iuwer amme wesen.'
571 Dö sprach üz unkreften diu frouwe lobesam
'owe, ritter edele, da habe ich gen iu schäm.'
'schäme ist hie zergangen' sprach Wolf her Dietrich,
'ja hilfe ich iu üz sorgen, ob ich bin siimerich.'
563.2 payszte 4 machst edele seyden 564,1 magst 2 er] und
565.3 grauiune 566,2 verloffen 3 vnbekant 567,4 ze-
hannde | fragen 568,3 der fehlt 570,1 gefunden 571,4 synnen-
reich
10*
563 Der was dem wurme enpfallen in der selben stunt.
er beizte zuo der erde, gröz jämer wart im kunt.
er sprach 'owe, recke, din kumber ist mir leit.
du mäht wol edele wesen: sidin sint diniu kleit.
504 Du mäht sicherlichen wol forsten künne sin.1
er vant an siner hende zwei richiu vingerlin.
stucke von gewande lägen umbe den kreiz:
bluotic was diu sträze, in begöz ein angestsweiz.
565 Eines wibes stimme die hörte er sere klagen:
diu was in den ziten mit sorgen umbetragen.
diu was ein graevinne: wie künde ir leider wesen?
eines degenkindes diu frouwe was genesen.
566 Der vor im lac töter, der was gewesen ir man.
si bete sich verloufen von den liuten in den tan.
dar ilte baldiclichen der degen üz erkant.
si bot üz unkreften im ir vil wizen hant.
567 Ir was von unkreften ir spräche gar gelegen.
daz begunde erbarmen den üz erweiten degen.
dar nach in kurzer wile diu frouwe sich versan:
si begunde zehant fragen den ritter wol getan.
568 Do sprach gezogenliche der forste vil stolz
'saget mir, frouwe edele, wer brähte iuch in daz holz?'
'herre, mir nam ein der würme den aller liebsten man,
den in diser weite dehein frouwe ie gewan.
569 In einem boumgarten hiut morgen daz geschach.
da von sicherlichen min freude aldä zerbrach:
er was milte des guotes und gar ein werder man.
ich stal mich vor den liuten da her in disen tan.
570 Freude ist mir gezucket, nu hän ich funden not'
sprach diu tugentriche, 'nu nahet mir der tot.'
dö sprach der ritter edele 'frowe, ir mugt wol genesen.
ob sin got geruoehet, ich sol iuwer amme wesen.'
571 Dö sprach üz unkreften diu frouwe lobesam
'owe, ritter edele, da habe ich gen iu schäm.'
'schäme ist hie zergangen' sprach Wolf her Dietrich,
'ja hilfe ich iu üz sorgen, ob ich bin siimerich.'
563.2 payszte 4 machst edele seyden 564,1 magst 2 er] und
565.3 grauiune 566,2 verloffen 3 vnbekant 567,4 ze-
hannde | fragen 568,3 der fehlt 570,1 gefunden 571,4 synnen-
reich
10*