Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (3. Teil, 1. Band): Monographie — Berlin, 1871

Seite: 148
Zitierlink: i
http://digi.ub.uni-heidelberg.de/diglit/AmelungJaenicke1871/0214
Lizenz: Creative Commons - Namensnennung - Weitergabe unter gleichen Bedingungen
facsimile
148 WOLFDIETRICH A. XIV.

572 Von der steinwende gähen er began.

in sinem helme balde wazzer brähte er dan.

hie labte sich diu frouwe, daz tuon ich iu bekant:

ir half üz unkreften da des fürsten hant.

573 Von harnesch wart er geblözet, sin cursit von im gezogen.

si was von des recken helfe unbetrogen.

mit kinde mitalle truoc er si al zehant

zuo einem riutsere, den er nähen bi im vant.

574 'Phlic mir der frouwen' sprach Wolf her Dietrich

'mit vil grözen eren: ich tuon dich guotes rieh.'

dö sprach der wirt zem gaste 'allez daz ich hän,

daz si miner frouwen mit dienste undertän.'

575 Do sprach zem riutaere der vil küene man

'wirt, durch dine triuwe si dir kunt getan:

du solt daz kindel toufen, tuo so tugentlich,

nenn ez nach minem vater Huge Dietrich.'

576 Ir wart von dem wirte mit eren wol gephlegen.

urloup nam von in beiden dö der werde degen.

wider zuo dem töten gähte er al zehant.

sin ros der edele ritter dannoch gebunden vant.

577 Er sprach 'owe recke, nu riuwet mich din leben.

got ruoche diner sele ein ringe wize geben.'

sus klagete er jämerliche des edelen gräven lip:

er sprach 'ich vant in nceten hiut din schoenez wip.'

578 Hie brach er über den töten beidiu loup unt gras.

dö gähte er nach dem wurme, dem er unweege was.

diu naht begreif mit krefte den üz erweiten degen:

er het sicherlichen släfes sich bewegen.

579 Da mite der degen küene reit et al die naht.

er hörte in dem walde von vögele süezen braht.

diu naht was gar vinster, des reit er kumberlich:

nu ist aber in sorgen Wolf her Dieterich.

572,1 Stainwande 3 thu es folgt eine Überschrift, als wenn

mit 573 eine neue aventiure begönne: Abcntheur. Wie Er des todten Ritters frawen
zu einem Reuter brachte vnd ims emphalch wie das kinde 573,1 barnasch

geplosset] blözer? 574,1 Phlige 2 des gutes 575,2 Wirte durch dein

576,1 Er 2 nam Er degen fehlt 577,2 gerüche weieze ze geben

3 sunst 579,1 raitet all 3 rit er vil
loading ...