Amelung, Arthur   [Hrsg.]; Jänicke, Oscar [Hrsg.]
Ortnit und die Wolfdietriche: nach Müllenhoffs Vorarbeiten (Deutsches Heldenbuch) (4. Teil, 2. Band): Monographie — Berlin, 1873

Seite: 139
Zitierlink: i
http://digi.ub.uni-heidelberg.de/diglit/AmelungJaenicke1873/0184
Lizenz: Creative Commons - Namensnennung - Weitergabe unter gleichen Bedingungen
facsimile
WOLFDIETRICH C VIII 139

14 Sie hiez vil balde springen und bringen dar den win:

dem edelen jungelinge wart holder wille sehin.

diu schoene fragte in msere, wie ez im wsere ergän.

er clagte sine swaere und sprach, im waere unrehte getan.

15 Sie sprach 'sag an, du boese wiht, waz mohtest du gesagen

daz disen ritter edele het ein wurm enwec getragen?'

der höchgelopte Krieche lenger niht enbeit,

vil bald von dem gestüele er tugentlichen schreit.

16 Gerharten den forsten nam er bi dem här,

daz enkunde niht gewenden manic ritter clär:
Rosen sin swert balde er von der siten brach,
und der helt ziere ez durch den ritter stach.

17 In dorft niht mer gelüsten der reise, den küenen man.

im wart der verle gelönet die er hete getan,
ez was der schoenen wille wol daz ez geschach:
nach des keisers töde hete er ir ungemach

18 Immer me gefrumet, erst was ir l[eit zergän].

'wol mich' sprach diu reine, 'daz ich dich funden hän,
der mich des riehen keiserfs] wol ergetzen kan:
mit dem wil ich gerne alle freude hän'.

19 Sie kuste in güetliche an sinen röten munt:

erst wart dem ritter edele rehtiu minne kunt.

ez zöch sich an den äbent: diu spise wart bereit,

man hiez die tische rihten mit vil stolzer zierheit.

20 Kamraeren und truhseezen gebot man allen dar

ze dienen wol nach prise dem edelen fürsten klär,
diu selbe naht mit freuden da ein ende nam.
des morgens dö ez tagete, diu frouwe wol getan

21 Sante in Lamparten und dar zuo in Tuskän:

sie wolden höchzite da ze Garten hän.
Helmnöt dem helde wart,bevolhen diu vart:
der hete Otnide, dem edelen kei[ser zart,]

22 Vil dicke wol gedienet mit ganzer ritterschaft.

in sante diu vil kiusche nach rittern elientha[ft.]
Helmnöt tet vil gerne swes in diu frouwe bat,
er reit da von Garten manegen engen phat.

14, 1 da 3 in der mere 15, 1 mochte 16, 3 balde vor brach 17,4
ir fehlt 18 1 immer me] ime 20, 1 kemmerer 21,1 tuschkan 2 hochzyt
3 und 22, 3 hilnot 22, 2 maniebio ritter
loading ...