Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0136
Overview
loading ...
Facsimile
0.5
1 cm
facsimile
Scroll
OCR fulltext
128 1480.

roathen wol vorstan, wodanwijs juw van etlyken juwen unde anderen steden van der Hansse bor-
geren unde kopluden, clagewijs zij voergekomen, wo ze nu in kortgeledenen tyden dorch royn
uthgemakede volek sunder jeninge vorwaringhe unde redelyke zake »ynt beschcdighet. Int eerste
doch anhalinge Wolter Jacoppess, de mercklyke guder inne hadde, juwen unde anderen kopluden
der Duetschen Hensse tobehorende, unde neen Hollander ©der jemanth buten der Hensse dar
noch partii eder deel mede hebben etc., duss, ersamen guden frunde, iss den ersamen reden to
Lubeke unde Hatnborch sunder allen twyvel wol gedechtich; so gij ock mede roren in juwen
scriften, itzundes an my gesanth, dath ick in eertyden, eer ick jennighe anhalinghe dede up myne
vyande, in mynen scriften van oen begerende wass meer den to enen male, oren kopman unde
scliippere to wolden underwijsen unde warnen, de nene menghinge mit mynen vyanden orer guder
tor see makeden, ock nicht up vyande bodeme schepeden eder nene vyande guder vorden, went
wor ick sodaen averqweme, dachte ick by to varende gelijck mynen vyanden, dar ick den
Duetschen koepman samptlyken unde bisunderen mede mende; darupp hebbe ick den vorbe-
nompten Wolter Jacoppessen angehalet, wente he zulfs tschipp unde de meyste deel der inne-
hebbenden gudern mynen apenbaren vyanden tobehoren, unde vormene my sodane vormenghede
gndere uppe vyande bodeme unde manck myner vyande gudere nicht plegende zij weder to
richtende, angezee ick den ersamen reden to Lubeke unde Hainborch myne zake to willen hebbe
anstaen lathe tor tijt, dath my ock uppe mereklyken schaden qwam, so gij wol rnereken mögen,
dath ick jummer geerne geseen hadde, de genanten Hollanders my jennigherhande recht eder
wandel gebaden hadden vor sodan rechtferdige zake unde tosage ick up zee hebbe, dar denne
de ersamen reede to Lubeke unde Hamborch my to willen sware kost, teringhe unde arbeyth
unibe gedaen hebben an dezulften Hollanderen, up dath zee gerne geseen hadden, ze ock mit
my gesleten hadden; dess ick oem hochlyken samptlyken unde bisunderen bedaneke, unde willet
to allen tyden mit dem besten gerne vorschulden, wor ick kan unde mach, wo wol en sodaen
clene gebatet heft. Alz gij vurder roren van schipper Lasse Pcterssen, den hebben myne denere
angehalet unde hebben in sinem schepe gevunden 8 last heringes mynen vyanden tobehorende
in den Bryl; sodan 8 last hebbe ick oem uthgesath, de anderen guder samplyken gaff ick juw
unde dem Duetschen kopmanne to willen weder, unde leth den schipper mit synen schepes-
kinderen weder upt tsebippe; dusses hebben heren Gheerdes to Oldenborch denere uppt nye
sodaen schipp weder angelecht unde genomen, dath God almechtich irkennet my rechte Iede an
gescheen is, dar ick my scrifte unde bodeschoppe umb by deine genanten heeren Gherde gehad
hebbe, darinne begherende, he my sodan schippe mit den innehebbenden guderen wolde weder-
geven, wess he my darupp to antworde screfF, beschickede ick synen eghenen breeff deme er-
samen rade to Hamborch. Vurder sodaen beerschippe, de de myne angehalet hebben, hoerde ock
int gemene mynen vyanden tho, dass vormene ick my in rechte nicht plegende zij sodaen vor-
gerorde gudere weder to gevendo, wo wul juw breeft" vormeldet, wo gij juw noch na pawestlykem
noch na keyserlykem eder jennigen anderen rechten, konen verneinen, dattz sick moghe ge-
boren, dat vyande bodeme maken vyande guder unde in den gelyken vyande guder maken
vyande bodeme. Ock so pleghent de stede van der Hensse so nicht to holdende, duss hebbe
ick doch wol vaken gehöret, dat sodanes wol voer gescheen sy in itlyken steden van der Hense
unde ock in anderen landen unde steden, so dat ick sodans neen ansettcr byn, wente wan juw
schippers unde koeplude myner vyande guder manck den oren mochten averschicken, denne
 
Annotationen