DOI Seite / Zitierlink:
https://doi.org/10.11588/diglit.1951#0333
1491. 325
in bywesent des eraflntigen mester Dyrck Valkens, provesten to Lheer unde kerckheeren to Lherlt,
unde Haro Wynckens, amptmans tho Emeden etc., Hero Ebbena soeps tho Woltzeten, hebben
sick beclaget, wo dat conventh tho Heyseldehusen boven yenich reedelieh bescheet hefft eer
vaderlicke erve gebruket, so dat belegen ys tho Heyseldehusen negest den convente, unde ene
angearvet ys van eren vader unde grotevator, daer se to manigen tyden yn gerichte * umme -ge-
klaget hebben; up welkerne de ersame her Johan, comraissarius der cloestere sancti Johannis
yn Ostfrieslandt unde commendator tho Oesterwehrum, antworde, so he volmechtig was gemaket
van den werdigen unde gestrengen heren Harborde van Snetlage, balyer to Steinforde, als syne
werdicheit de sake sulffs yn gerichte hefft gebracht, unde ene vulmechtig gemaket, entlichen na
landtreehte daerby tho blyven van wegen des vorgescr. convents, wo dat vorscr. convent tho
Heyseldehusen hadde yn vorleden jaren dat vorbenoempte erve gehuert van Heren Ebbena sulffs,
by eren convente tho ewygen tyden to blyven. Oeck na lüde eyns besegelden fruntschapsbreeff
van den duchtigen Hayen tho Papenborch mylder dechtnisse, unde Ubben tho Uplewerden be-
segelt, so de under anderen articulen begript, dat de vorscr. Hero Ebbena kynder dem vorscr.
convente toe Heyseldehusen sodan landt unde uterdyck, als eer selige vader Hero dein con-
vente verhuret hadde, unde daer se na vorworde up getyinmerth unde gebouwet hebben, soelen
laten bruken voer de hure tho ewigen tyden; up welkere artikele Here soens antwordcn, weret
sake, dat convent konde bewysen, dat eer vader off grotevader dem convente sodane landt hadden
verhuret yn maten so verscr. ys, dann wolden se samptlichen dat convent sodane erve willichliken
na beschede laten bruken. Daerup ys deme commissarius gevraget, do he sede, dat convent
hadde dat landt van Hero Ebbena gehuret, so vorscr. ys, off he des oeck yenich bewyes hadde,
als liggende orkunde, breeff, segele, ofte levendige tuge; antworde de vorscr. commissarius, eer be-
wyes weer vorbrandt unde de levendige tuge weren verstorven. Hyrumme heb ick Johannes
ergenant na klage unde antwordt van bevele des edelen unde wolgeboren heren Edsardes, graven
tho Oestfreslande, myns gnedigen leven herens, den vorscr. Hero Ebbena soens eer vaderlike erve
myt landtreehte weder thogescheden, uppe dat negestkomende yaer na dato desses breves weder anto-
fangen unde na eren vryen wyllen tho gebruken, nademe dat convent nicht konde bewysen, dat
se sodane erve hebben gehuret van Hero Ebbena kynder, van eren vader unde grotevader. Weer
oeck sake, dat commissarius vermoede hierentegen noch yenich bewyes to bringen, eme behulpe-
lich offte vorderlich yn synem rechte mochte wesen, mach he brengen tuschen desser tydt unde
visitationis Marie. Ock hebben Hero Ebbena kynder buten rechtes erkantniss willichliken ange-
nomen, off de commissarius behorige dispensatie konde warven, dat sodane husere, staende to
Heyseldehusen, mochten weederkomen tho warltliken handen, nadem de gheestlich synnen, willen
se geerne na erkantnisse guder luide up mogelike tydt unde stunde betalen ; vorder van der ver-
schenenen hure soelen se beydentbalven fmntschapsluede erkantnisse guetliken rekenen unde
betalen tuschen desse tydt unde sunte Michaelsdage erstkomenden. Oek off Hero P^bbena kyn-
der dan na belevendt des commissarius de husere an sich nemen, so moegeu se de nastaende
hur daran körten. Tho orkunde der waerheyt hebbe ick myn ingesegell an dessen breeff gedruckt
beneden upt spacium. Gescheden to Embden, in den yaer na Christi geboerth anno XCP, des
negesten donderdages nha Viti et Modesti martyrum.
\
in bywesent des eraflntigen mester Dyrck Valkens, provesten to Lheer unde kerckheeren to Lherlt,
unde Haro Wynckens, amptmans tho Emeden etc., Hero Ebbena soeps tho Woltzeten, hebben
sick beclaget, wo dat conventh tho Heyseldehusen boven yenich reedelieh bescheet hefft eer
vaderlicke erve gebruket, so dat belegen ys tho Heyseldehusen negest den convente, unde ene
angearvet ys van eren vader unde grotevator, daer se to manigen tyden yn gerichte * umme -ge-
klaget hebben; up welkerne de ersame her Johan, comraissarius der cloestere sancti Johannis
yn Ostfrieslandt unde commendator tho Oesterwehrum, antworde, so he volmechtig was gemaket
van den werdigen unde gestrengen heren Harborde van Snetlage, balyer to Steinforde, als syne
werdicheit de sake sulffs yn gerichte hefft gebracht, unde ene vulmechtig gemaket, entlichen na
landtreehte daerby tho blyven van wegen des vorgescr. convents, wo dat vorscr. convent tho
Heyseldehusen hadde yn vorleden jaren dat vorbenoempte erve gehuert van Heren Ebbena sulffs,
by eren convente tho ewygen tyden to blyven. Oeck na lüde eyns besegelden fruntschapsbreeff
van den duchtigen Hayen tho Papenborch mylder dechtnisse, unde Ubben tho Uplewerden be-
segelt, so de under anderen articulen begript, dat de vorscr. Hero Ebbena kynder dem vorscr.
convente toe Heyseldehusen sodan landt unde uterdyck, als eer selige vader Hero dein con-
vente verhuret hadde, unde daer se na vorworde up getyinmerth unde gebouwet hebben, soelen
laten bruken voer de hure tho ewigen tyden; up welkere artikele Here soens antwordcn, weret
sake, dat convent konde bewysen, dat eer vader off grotevader dem convente sodane landt hadden
verhuret yn maten so verscr. ys, dann wolden se samptlichen dat convent sodane erve willichliken
na beschede laten bruken. Daerup ys deme commissarius gevraget, do he sede, dat convent
hadde dat landt van Hero Ebbena gehuret, so vorscr. ys, off he des oeck yenich bewyes hadde,
als liggende orkunde, breeff, segele, ofte levendige tuge; antworde de vorscr. commissarius, eer be-
wyes weer vorbrandt unde de levendige tuge weren verstorven. Hyrumme heb ick Johannes
ergenant na klage unde antwordt van bevele des edelen unde wolgeboren heren Edsardes, graven
tho Oestfreslande, myns gnedigen leven herens, den vorscr. Hero Ebbena soens eer vaderlike erve
myt landtreehte weder thogescheden, uppe dat negestkomende yaer na dato desses breves weder anto-
fangen unde na eren vryen wyllen tho gebruken, nademe dat convent nicht konde bewysen, dat
se sodane erve hebben gehuret van Hero Ebbena kynder, van eren vader unde grotevader. Weer
oeck sake, dat commissarius vermoede hierentegen noch yenich bewyes to bringen, eme behulpe-
lich offte vorderlich yn synem rechte mochte wesen, mach he brengen tuschen desser tydt unde
visitationis Marie. Ock hebben Hero Ebbena kynder buten rechtes erkantniss willichliken ange-
nomen, off de commissarius behorige dispensatie konde warven, dat sodane husere, staende to
Heyseldehusen, mochten weederkomen tho warltliken handen, nadem de gheestlich synnen, willen
se geerne na erkantnisse guder luide up mogelike tydt unde stunde betalen ; vorder van der ver-
schenenen hure soelen se beydentbalven fmntschapsluede erkantnisse guetliken rekenen unde
betalen tuschen desse tydt unde sunte Michaelsdage erstkomenden. Oek off Hero P^bbena kyn-
der dan na belevendt des commissarius de husere an sich nemen, so moegeu se de nastaende
hur daran körten. Tho orkunde der waerheyt hebbe ick myn ingesegell an dessen breeff gedruckt
beneden upt spacium. Gescheden to Embden, in den yaer na Christi geboerth anno XCP, des
negesten donderdages nha Viti et Modesti martyrum.
\