Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0490
Overview
loading ...
Facsimile
0.5
1 cm
facsimile
Scroll
OCR fulltext
082 1493.

Item, voert dessulfften nachtcs tusschen dem sonavende unde deme sondage, hevet desulffte
syn bewante Hicke tho Goedenszen, tho Scortenszen tho den mynen infallende, dre myner under-
saten gegrepen unde summyge ossen unde koyge na der myns g. leven heren vorkundigeden vrede
inede genoinen.

Item so myne undersaten van heren Edtsarde hadden vordinget, synt der vele na der tyt
beschediget, dat eere genomen unde darto gegrepen, gestocket unde blocket unde darto gescattet,
den summen geachtet up 4 dusent Rinsgulden.

Item de Sillensteder synt na der tyt, szo se van heren Edtsarde hadden vordinget, in rove
unde brande tho scaden gekomen upp 8 hundert Rinsgulden.

De overdade nnde wrevele my unde den mynen van heren Edtsarde nnde den synen bejegendt.

Int erste, so ick tho eyner tyt eynen Hollander, mynen apenbaren untsechten veynde,s) in
der zee, namptlicken vor der Schullbalge, hadde nemen laten, unde myne deyner dairmede vor-
middelst storme unde unwedder an landt gedrungen, hebben sze my szodane scipp unde guedt
laten wedder nemen, myne deyner, de dairuppe weren, gegrepen, gestocket unde geblocket, unde

mosten int vierde jair in unde uth gaen, de theringe geachtet.........") Unde Groten Eylde

mynen undersaten, den sze dair ock mede äff nemen, gescattet upp sessbundert Arensgulden.

Item so hebben sze tho eyner tyt in erein vrygmarkede tho Auwricke.......*) getovct

unde upgeholden unde negenhundert Currentesgulden affgedrungen, unde de theringe, derwyle
sze in unde uth gingen, boven 3 hundert golden Rinsgulden, unde dusset deden sze van Iken
wegen tho Knypensen, de eyn scipp under ereme lande hadde nemen laten, do bekanden sze
woll desulffte Ike myn underszate to wesende, unde deden de myne van Syrier wegen so boven-
gescreven besäten.

Item so sze myt den eddellen unde wollgeboren greven tho Oldenborch unde Dellmenhorst
beveydet weren, hebben sze de myne tho velen tyden o verfall ende, dat eer genomen: Int erste
Amme Hoysen uppem Arne 11 goltgulden unde 14 tunnen haver. Item Her Egger tho Boerden
unde Here Marxsen 1 kane myt holte van 20 goltgulden. Item Here uppem Boerdemer zyll
2 kanen, de stunden on sulvest 24 goltgulden. Item Tiarck Ipsen 1 kane myt holte, 12 golt-
gulden unde eyn nyge armborst, unde 5 goltgulden darover verteert. Item Hayo Meyxsen eyne
geladen kane, tsamen 45 goltgulden, unde noch 2 tunnen botteren unde dairtho zwaerlyken ge-
gründet upt hovet. Item Hinrick Nouwen hebben sze tho Bockhorn genomen vor 26 Postul.
gülden isen, unde vor 200 Postul. gnlden wagene. Item Hinricke van Oldenborch 8 goltgulden
in waer. Item Harcke Jaeffsen 22 goltgulden unde 10 tunnen haveren. Item Clauws Scomaker
vor 6 golden Post, gülden. Item Mynsze uppem dyke 2 goltgulden. Item Frederick Hemmen
uppem Holte genomen tho Bockhorn uthe der haven eyn seipp myt holte, dat seipp van Heer
Mauritii wedder gekofft vor 2 Eamundesche laken unde 20 tunnen haver unde dat holt 6 golt-

6) Urk. veyde.

«) Hier ist eine Ltlcke für die Summe gelassen.

') Hier eine Lücke für den Namen.
 
Annotationen