DOI Page / Citation link:
https://doi.org/10.11588/diglit.1951#0716
706 1408.
boven 200 wapent, unde sanden de vor Valren, de mit Godes hulpe unde unser vrunde, de se
dar vunden, unde anderer, de se dar bynnen landes totheen konden, dat slot beleden unde stor-
meden, also lange dat de vitalienbrodere dat meste del by nachte dat slot, de schepe unde van-
ghene, de se nomen hadden, vorleten; doch een hovetman van en, geheten Hake, de wart dar
gerichtet unde up een rat geleght; ok wurden ichteswelke bynnen unse stad gebrocht, de dar
gerichtet wurden. Unde alse dat vorscreven slot gewunnen was, dar unse vrunde ichteswelke
doden unde vele wundeder lüde over neinen, do manneden se dat slot unde toghen vort vor
Osterhusen, dat se des geliik ok wunnen unde manneden. Do screven se uns over umme mer
hulpe, wante en duchte nutte unde behuff wezen, vortan to theende vor Haren unde Ennen slote
in der Greth, unde ok vor etlike andere slote, daraff vortiidea de vitalienbrodere dem copmanne
groten schaden totoghen hebben. Hirumme sande wy over unser vrunde mer den 200 uth; dar
sanden uns de van Lubeke to 100 weraftich; men de 300 hebben lange tiid gelegen unde liggen
noch, alse wy uns vormoden, van wyndes not wegen up der Elve. Jodoch hebben unse vor-
screven vrunde uns gescreven, dat se sodder Haren unde Ennen unde ok etlike andere slote
wunnen hebben, welke unde ok Valren unde Osterhusen se meenen to stortende up twe na, er
se dar utme lande theende werden, unde de 2 slote sullen der stede opene slote bliven. Men se
ßint noch umme ichteswelke andere slote bekümmert, unde hopen, oft God wil, dar id so to be-
stellende, dat in der jegbene neene vitalienbrodere mer untholden scholen werden. Des dunket
uns unde en, dat me noch mer koste unde arbeides darumme don moete; also kone wy juwer
leve noch nicht enkede scriven, wes de gantze reise costende wert. Hirumme, leven vrunde, alse
gy uns nu latest gescreven hebben, wanner gy weten, wo hoghe de coste lopet van desser were,
so wille gy uns, wes ju toboren mach, vruntiiken wol untrichten: dar danke wy ju vruntliken
umme; men juwe ersamheit mach sulven wol irkennen, dat alsodane grote koste, alse wy alle
dessen somer langh dan hebben unde noch dagelikes doen moten umme des menen eopmans
willen, wert uns allene up dat erste alto lastichj bidde wy juwer leve, alse wy vruntlikest konen
unde mögen, dat gy uns sunder lange toghermge willen lenen unde schicken to hulpe bynnen
Lubeke 1000 nobelen up eene rekenschop. VVanner unse vrunde de reise, oft God wil, gantz
geendet hebben, so wille wy ju gerne enkede rekenschop scriven, wo böge unse koste lopet; hebbe
wy denne ichtes to vele upgebort van ju, dat wille wy ju to danke gerne wedder untrichten.
Leven vrunde. Willet ju hirane also vruntliken bewisen, aise wy uns to ju wol vorhopen, dat
wille wy gerne vordenen, wor wy mögen, wente wy wol boven 800 weraftich to schepe uthe hebben.
Süd Gode bevolen. Gescreven under unser stad secrete des donredages na assumptionis Marie.
Beghernde de» juwe vruntlike antwerde by dessem sulven boden.
Consules Hamburgenses.
boven 200 wapent, unde sanden de vor Valren, de mit Godes hulpe unde unser vrunde, de se
dar vunden, unde anderer, de se dar bynnen landes totheen konden, dat slot beleden unde stor-
meden, also lange dat de vitalienbrodere dat meste del by nachte dat slot, de schepe unde van-
ghene, de se nomen hadden, vorleten; doch een hovetman van en, geheten Hake, de wart dar
gerichtet unde up een rat geleght; ok wurden ichteswelke bynnen unse stad gebrocht, de dar
gerichtet wurden. Unde alse dat vorscreven slot gewunnen was, dar unse vrunde ichteswelke
doden unde vele wundeder lüde over neinen, do manneden se dat slot unde toghen vort vor
Osterhusen, dat se des geliik ok wunnen unde manneden. Do screven se uns over umme mer
hulpe, wante en duchte nutte unde behuff wezen, vortan to theende vor Haren unde Ennen slote
in der Greth, unde ok vor etlike andere slote, daraff vortiidea de vitalienbrodere dem copmanne
groten schaden totoghen hebben. Hirumme sande wy over unser vrunde mer den 200 uth; dar
sanden uns de van Lubeke to 100 weraftich; men de 300 hebben lange tiid gelegen unde liggen
noch, alse wy uns vormoden, van wyndes not wegen up der Elve. Jodoch hebben unse vor-
screven vrunde uns gescreven, dat se sodder Haren unde Ennen unde ok etlike andere slote
wunnen hebben, welke unde ok Valren unde Osterhusen se meenen to stortende up twe na, er
se dar utme lande theende werden, unde de 2 slote sullen der stede opene slote bliven. Men se
ßint noch umme ichteswelke andere slote bekümmert, unde hopen, oft God wil, dar id so to be-
stellende, dat in der jegbene neene vitalienbrodere mer untholden scholen werden. Des dunket
uns unde en, dat me noch mer koste unde arbeides darumme don moete; also kone wy juwer
leve noch nicht enkede scriven, wes de gantze reise costende wert. Hirumme, leven vrunde, alse
gy uns nu latest gescreven hebben, wanner gy weten, wo hoghe de coste lopet van desser were,
so wille gy uns, wes ju toboren mach, vruntiiken wol untrichten: dar danke wy ju vruntliken
umme; men juwe ersamheit mach sulven wol irkennen, dat alsodane grote koste, alse wy alle
dessen somer langh dan hebben unde noch dagelikes doen moten umme des menen eopmans
willen, wert uns allene up dat erste alto lastichj bidde wy juwer leve, alse wy vruntlikest konen
unde mögen, dat gy uns sunder lange toghermge willen lenen unde schicken to hulpe bynnen
Lubeke 1000 nobelen up eene rekenschop. VVanner unse vrunde de reise, oft God wil, gantz
geendet hebben, so wille wy ju gerne enkede rekenschop scriven, wo böge unse koste lopet; hebbe
wy denne ichtes to vele upgebort van ju, dat wille wy ju to danke gerne wedder untrichten.
Leven vrunde. Willet ju hirane also vruntliken bewisen, aise wy uns to ju wol vorhopen, dat
wille wy gerne vordenen, wor wy mögen, wente wy wol boven 800 weraftich to schepe uthe hebben.
Süd Gode bevolen. Gescreven under unser stad secrete des donredages na assumptionis Marie.
Beghernde de» juwe vruntlike antwerde by dessem sulven boden.
Consules Hamburgenses.