Fliegende Blätter (36.1862 (Nr. 861-886))

138

'S Görges

's hilft nix, der Herr steigt schun die Trepp 'ruff un' kummt
in die Stub, als wann er im eigene Haus war.

„Hab' ich die Ehr', die Mamsell Philippin' —?"

„'Fehl mich Ihne', der Vater werd' bal' — " un' sie
halt verlege 's Schnuptuch vor's Gesicht.

„Ei, ei, Mädche, was is es dann, was flennscht De
dann, Kind? Derfscht mer's schun sage, bin jo e' alter Freund
vun Dein'm Vater, heeß Fuchs, Hot er nit manchmol vun
mer geredt, he?!"

„Ja wohl, Herr Fuchs", sacht die Philippin' un' wischt
! sich die Thräne aus ihre schöne Aage.

„No, was is dann g'schehe? Is Jemand krank in der
Famill' oder gar Eens g'storbe?"

„Ach nee, Herr Fuchs —"

„Is im Geschäft e' Unglück passirt, wolle's nit hoffe?"

„Ach nee, Herr Fuchs —“

„Is der Schatz untreu worre, he Mädche, dann habe
thuscht De een, des seh' ich d'r a'?"

„Ach nee, Herr Fuchs —"

„Ja die Kränk, was is dann nocher zu flenne un' de
Kopp zu hänge?"

Do horcht die Philippin' un' sächt: „Der Vater kummt,
ich will 'm glei' sage, daß Sie do sin", un' so springt se
aus'm Zimmer. Glei' d'ruff kummt der Görges erei' un' wie
er den Fuchs sieht, breit' er die Arm ausenanner: „Ja was
seh' ich! bischt's dann werklich, mei guter alter Fuchs!" un'
sie embrassire sich uff's herzlichste. „Ei die Kränk", sächt der
j Gascht, indem er de Görges so betracht', „Du hoscht Dich
, jo alt gemacht, Kerlche, weiße Hoor un'deß nimmer viel; wie
l ich Dich 's letscht Mol g'sehe Hab', warscht De jo e' pech-
^ schwarzer Lockekopp."

„O mei' lieber Fuchs, 's Hot sei' Ursach, daß ich weiß
! worre bin; mei unglücklich' G'schäft mit denne Bilder nach
! Amerika, der verfluchte Moler, der mich drzu verleet un' so
uiederträchtich bschumlt Hot, ich Hab Dir's emol g'schriebe,
un' noch allerhand, deß kann emm schun weiß mache."

„Ja ja, ich weeß, deß is lang her, aber hoscht Dich jo
wicddcr rangirt un' hoscht e' herrlich Kind, die d'r gewiß gut
die Haushaltung führt. Un' jetz', Alterle, will ich Dir noch
was sage, jetz' bin ich wiedder do un'nit mit eine leere Geldbeutl,
verschtehscht De, un'kann Der helfe, wann Dich wo der Schuh
druckt. Die Kränk, wie bin ich 'rumg'fahre in der Welt, Hab'
allerhand probirt un' is aach oft krumm gange', Hab mer aber
doch dcßwegen ke'graue Hoor wachse lasse. Alls luschtig d'ruff!
Hab ich mer gedenkt, un'weeschte, wasmeiGlückgemachthot?"
— „Lieber Fuchs, wann mer so 'n Humor hot wie Du, is
mer schun deßwege glücklich."

„Jo, hör emol, die Leut' wolle Geld, un' am bcschte Hu-
mor hot mer doch nix zu nage un' zu beisse. Sich! e'Fäßche
Wei' leer zu mache, deß versteht der Humor prächtich, wann
er aber nor c' Bontcill' fülle soll, so loßt's 'n sitze. Ne,
Freundche, un' doch hängt mei Glück mit'm Humor zamma,
dann wer's versteht un' kann den verkaafa, der löst schun wos."

„Ja, wie meenscht De deß?"

Philippin'.

„Ei ganz ee'fach, ich Hab' oft gemerkt, daß erschrecklich
phlegmatische lahme Kamrade beim Champagner luschtig werre
un ’n Humor entwickle, daß mer staunt; do hob ich mer ge-
denkt : Mach' G'schäfte in Champagner, do mach'st De Ge-
schäfte in Wei' un' in Humor, un' alle zwee sin beliebt in der
ganze Welt. Un' so Hab' ich's gemacht un' Hab' jetz' e' präch-
tig' Gut bei Epernay un' Moslchampagner mach' ich aach, dann
luschtig macht der ee' wie der anner. Aber sag', Dei Töch-
terche Hab' ich vorhin gar traurig getroste', was Hot se dann,
ich kann so was nit sehe?"

„Ja, wos Hot se, deß is e' Elend, do is e' junger
Moler, der Hot ihr de Kopp verrückt, un' seit mich dersell' !
Schwindler so a'gführt Hot, will ich vun kemm' Moler nix
mehr wisse."

„Wie heeßt er dann, der Jung'?"

„Ei, Reuard, 's is e' hübscher Mensch, is noch nit lang
hier, thut wohl als wann er was hält', aber wer weeß es,
ich will nix mit'm zu thu habe."

„Die Kränk, Nenard sächst De? Charles Renard, is er
nit vun Coblenz kumma?"

„Ganz richtich."

Da fangt jetz' der Fuchs zu lache a', daß 'm der Bauch
wak'lt: „Ne, deß is göttlich, mei' lieber Görges, deß is c'
Capitalspaß, denk' Der nor. Du alter Brummler, der Charles
Renard is mei' Sohn, heeßt Fuchs, wie ich, aber e' Tant'
vun 'm, die 'm viel Geld gebe Hot zu seiner Malerei, die
Hot die Bedingung gemacht, daß er sich Renard nenne soll,
dann als fränzöscher Moler wär's viel leichter bei der Arisch-
tokratie Ei'gang zu sinne, un' sie wollt's nit habe, daß er in
der dourgsoisio stecke bleibe soll. No, Gott Hab' se selig (die
Gans, hält' ich bal' g'sagt) sie is jetz g'storbe un' mei' Karl
soll wiedder Fuchs heeße wie ich, un' dei' Tochter soll die
Fraa Fuchs werre! Görges, do muscht De mich mache loste,
der Jung is brav, ich steh' d'rvor, loß'n nor glei' hole, wo
wohnt er dann? ich bin jo erscht a'kummä."

„Ja, dei' Sohn, is es wohr?" stottert der Görges,
„wär's möglich?"