Hartmann; Haupt, Moriz [Hrsg.]: Erec: eine Erzählung (Leipzig: Verlag von S. Hirzel, 1871)

51

nü fuorte si diu riche
■in ir heimliche.
da was ir ein bat bereit,
und wart nach ir arbeit 1535
gebadet vaste schone.
diu frouwe mit der kröne,
ir lieben gast si kleite:
wan da was bereite
vil richez gewant. 1540
si näte selbe mit ir haut
in ein hemde dez magedin;
daz was wiz sidin.
daz hemde si bedahte,
daz man ez loben mähte, 1545
mit einem rocke wol gesniten
nach kärlingischen siten,
weder ze enge noch ze wit:
der was ein grüener samit,
mit spannebreiter liste, 1550
da si si in briste,
mit gespunnem golde
beidenthalp so ez solde,
von ietweder hende
an der siten ende. 1555
ouch wart der frouwen Eniten
gegurt umbe ir siten
ein rieme von Iberne:
den tragent die frouwen gerne.
für ir brust wart geleit 1560
ein haftel wol hande breit:
daz was ein gelpfer rubin:
doch überwant im sinen schin

4*