Hartmann; Haupt, Moriz [Hrsg.]: Erec: eine Erzählung (Leipzig: Verlag von S. Hirzel, 1871)

279

ob si deheine braehte dar.
diu kraft ir zuo der varwe entweich;
und wart tötvar unde bleich
und viel vor leide in unmaht.
der liebte tac wart ir ein naht:
wan si gehörte noch gesach.
swie dicke ir leide geschach,
als ir gebserde verjach
so wart ir herzen ungemach
nie zir lebenne merre.
der wirt unde ir herre
die labeten si dö
und wurden mit ir unfrö.
als si üf sehen began
und sich widere versan,
Erec vil manlichen sprach
c frouwe, lät den ungemach,
min siieziu Enite.
ir weinet ze unzite.
waz get iu solher klage not?
weder bin ich siech oder töt?
ja sten ich bi iu wol gesunt.
ir möhtent beiten an die stunt
daz ir mich ssehent bluotvar
od minen schilt zerhouwen gar
od minen heim verschroten
und mich dar under töten,
dannoch hetent ir guote zit.
nü heizet ez doch ein strit
daz under uns sol geschehen.
wem noch des siges werde gejehen,
des haben wir keine gewisheit.

8825

8830

8835

8840

8845

8850