Hilgard, Alfred [Editor]: Urkunden zur Geschichte der Stadt Speyer (Straßburg, 1885)

1284 111

vindent eder sezzent, der phaphen vrihet eder reht noch der burger reht eder giwon-
heit nit sin, ez bilibe State ewiclich von der phapheit und von den burgern, swaz
die sehse eder daz merteil under den sehsen darüber sezzent. Wir heizen och, daz
man hern Volzen umbe sinen hof stäte habe, swez er dez capitels brief und insigil
5 habe. Der bishoph von Spire der sol Strechilman, einin burger von Spiro, nit
laszen ingeltin dez crieges, er habe im stäte als er sinen brief habe. Wir heizen
och, daz der rat von Spire virsicher und tröste hern Eberhart und hern Swiger,
des Stiftes pfrundener, daz sie sichirlich zi Spire mugen sin. Die priester sulenl
och die der sie angest haben vertrösten und virsichern, daz sie ir shaden nit in
io werben mit rate eder mit gitat. Umbe die priester, die wider dez bishofs gibot
gisungen habent den burgern, sprechen wir also, daz sie zi eren dem bishof und
der pfafheit vor sunnentag der nu kumet sulen varen uz der stat und den vor-
burgen und uzer der mark, die zu der stat höret, und sulent da uze biliben biz
ostern. Und sol der rat kiesin sehsze von den dümheren, und sagent die sehsze
i5 oder der merretail uf im eit, den sie dar über dun sulent, daz dise vorginantin
priester nit bidurfen die keine gnade von Rome von der appellacion wegen, so
sulent die priester ir reht und ir gut wider haben, als sie ez heten vor dem criege,
und wider in die stat varin, doch also, ob der eine, der vicarius waz uf einer
kirchen, da er uf bistatigit waz oder zi ginantin iaren, die noch nit inwek sint, si
w bistanden hatte, also daz man in niht mohte von der kirchen stüzen. Ist aber, daz
die sehsze oder der merteil dez iehent, daz die priester bidurfenl des babestez gnade
umbe dise sache, so sulenl die sehse mit guten truwen ane argelisle die sache,
also sie her von erst gihandelt ist, under ir insigil bishriben zi Rome senden bi
der burger bot mit unser kost, die wir durch got und durch der süne willen dazu
2» geben, und sulenl vlizeclich und also gitruwelich, als ob ez sie selbe angienge
eder ir stift, die shehsze bilen mit ir briefin vur die priester und [alles daz] dun
mit ir briefin und mit bete mit guten truwen ane argelist, daz in gut und vurder-
lich muge gisin uf reht und uf ginade, ob si ez bidurfint. Und waz diu pfafheit
gidün mak [in zu gute], daz sol sie dun mit briefin und mit bete, und sol sie nieman
30 irren. Und ist, daz der eine, den die shehsze nennent, zi Rome viriehet an sinen
briefin, daz die priester [von der appellacion sollent bliben] bi ir rehte, so sol man
in, als da vur gishriben ist, ir reht wider lazen und wider geben, daz sie von disen
criegen virloren habent. War aber, daz sie die kain reht vunden [an deme sie zii
Rome von den] sehszen gisant werden [na]ch ginade an dem babeste, so sulent sie
35 uz der stat biliben von ostern vurbaz unz zi wihinnahten. Dar nach so mugent sie
varn wider in die stat, doch [also, daz sie kein gemein]shaf haben mit den phaffen
in dem capitel eder in dem chor. Swenne sie mugint darnach ginade irwerben an
dem babeste, so sulent sie ir ere und ir gut wider haben. Und von der [zit, also]
die [priester uz] varen, unz an die zit, daz den priestern ir reht wider gideilt eder
40 gigeben wirt eder ginade shihet, sulen die heren und pfafen den geben als vil als
sie von dem criege virlorn hant, dem eine also vi[l, also] im sin pfründe galt, dem
andern, ob der ein bistatigiter vicarius waz, und ewik so vil im abgigangen ist
von disein criege.. Man sol och daz wizzen, ob die vorginanlen priester die kueine