Hilgard, Alfred [Editor]: Urkunden zur Geschichte der Stadt Speyer (Straßburg, 1885)

1331

dez zu rate wurden, wände wir sünderliche in sölichem ufsatze unde sorgen dez
dorften, daz wir alle zu den heiligen sweren soltent, daz wir alle enander holt
unde getrüwe weren, unde enander zu ratenne unde zu helfenne mit libe unde mit
gute, der stat unde uns zu vriden unde zu schirme, unde daz wir alle dem. . rate
gehorsam weren, unde dar zu daz wir hinder sehs man under uns, die der stetde 5
vriden unde gemach ie begernde warent, ouch sweren solten zu den heiligen zu
dünne unde zu haltenne, waz sie uns durch der stetde vriden hiessen, unde wurden
darzü mit der stetde glocken uf den hof offenlich unde gewonlichen gesament unde
swürent dez do offenlich, als da vor geschriben stat, wir der.. rat vor unde dar-
nach die gemeinde. Wir swürent ouch alda belrehtenlichen sunderlich unde gemein- 10
lieh durch die vor geschribenne sache, unde ouch dar umbe, wände unser bürgere
unde inwonungere, ir mage unde ir zu gehörer etliche zu der zit für die stat waren
gevarn, unde ouch etliche in der stat waren, die dannoch gesworn nit hetden, als
an disem briefe geschriben stat, daz sie die do in der stat nit werent uf einen
offenlichen genanten tag, der in do kuntlich waz oder wol mohte kuntlich sin, 15
wände sie so nahe warent, unde die in der stat weren unde gesworn nit hetden
ouch uf einen offenlichen genanten tag kumen unde sweren solten unde dün allez
daz wir gesworn hetden, als an disem briefe geschriben stat, unde wer daz nit
detde, der, sin wip, sine kint unde kindez kint soltent uf unser eide die wir da
swüren niemerme bürgere noch sedelhaft werden in der stat zu Spire. Ouch swüren 20
wir zu der selben zit, were ez daz wir nu oder hernach befunden von iemanne, der
unser bürgere oder inwonunger were, daz er an der vorgenanten getetde unde
ufsatze, do unser stat unde unser bürgere iemerlich verraten warent, schuldig were,
also daz der.. rat oder daz merreteil dez . . rates sich erkentent uf im eit, daz er
schuldig were, unde daz sie daz kuntlich für wäre erfarn hetdent, den solt man 26
ane griffen unde mit ime dün nach dem rehten, als wir der. . rat oder daz merre-
teil dez. .rates teiltent daz reht were, unde solt in davor nit schirmen sin eit, obe
er den getan hetde, als da vor geschriben stet, unde sint die selben unser eyde,
die wir dar umbe gesworn hant, als da vor geschriben stet, kuntlich unde offen-
lich den stetden unde dem lande. Nu waz zu der zit in der stat nit her Bertholt 30
Fuhs, her. . Schaf zu der Ecke, Heinrich von Cölne, Scheffeln Sterre, Ulrich Cluppfel
der iunge, Engelman der iunge uf dem berge, Heneln Fritze Eppe, Albreht Ret-
schein, Hentzeman zu der Ecke, Merkein Cluppfel, Cüntze Lamesbuch, Cünrat unde
Hentze Sterre gebrüdere, Fritze Rote, Ulrich Cluppfel dez alten Cluppfels sun,
Scheffeln hern Schäffez sun, Jeckeln Knoltze, Heinrich dez sun von Cölne unde 35
Heneln hern Bertholt Fuhs sun, unde etliche me, unde warent doch nahe da bi,
unde kament nit zu sweren uf den tag als sie solten unde alse sie wol kumen
möhtent, unde als etliche andere kamen, die bi in waren, unde swürent ouch da
nit als sie soltent, unde hant ouch biz her nit gesworn. So waz zu der selben zit
in der stat her Wernher zu der Ecke, Sifrit Retschein, Spiegel von Cölne, Cünrat *o
Cranich, Wernher Sydenswantz, Hentze Ebeln, Peter hern Bertholt Fuhs stiefsun,
Sygelhün von Wormesze, Frantze Retschein unde Götze von Luterburg unde swü-
rent, unde fürent doch unlange darnach über daz von uns uszer der stat unde