Busaeus, Karl; Kolb, Franz Caspar von [Oth.]; Trauttenberg, Carl Heinrich von [Oth.]: Facultas Rationis Sive Logica Institutionibus Dialecticis De Judicio Recte Ordinando Illustrata ... ([Würzburg]: Typis Joannis Jacobi Christopheri Kleyer, Universitatis Typographi, 1750) [VD18 12605948]

)( O x 8W 47
quarn frequenti experientia demonstrat ; oculi nostri
solem & lunam, quali pedalem aut bipedalem quanti-
tatem non excederent, nobis reprassentant. Enimvero
quanta haec deceptio! exolevit enim dudum illa opinio,
& iisdem cum Epicuro & Lucretio tumulis consepulta
est , hsc astra tam arsto, ac videntur >spatio reipsa con-
stringi. Neque minor est deceptio oculorum nostro-
rum, cum luna stellis maximis longe major esse illis vi-
detur, cum eam stellis multo minorem esse, nemo unus
sit, qui inficietur. Insignem hanc rursus deceptionem
esse sensuum non sblus Malebranchius, sed nos quo-
que cum illo affirmamus : illud vero miramur , quod
vir in omni genere litterarum versatissimus sua de sen-
suum deceptione opinandi libidine decipiatur haud pau-
lo minus, ac illi, qui solis lunaeve bipedalem essemag-
nitudinem ab oculis decepti opinantur. Quid enim ? si
sol major est, ac eum nobis oculi nostri reprasentant,si
magnitudo ejus oculos fallat tam immane, an propte-
rea etiam mentem fallet ita atque effugiet, ut judicet
quis, solem non existere extra mentem? si probat P.
Malebranchius oculos falli quoad magnitudinem corpo-
rum, si enormem detegit errorem ac deceptionem eo-
rum , qui lunam stellis maximis majorem esse judicant,
num evincit, quod non existat luna extra mentem ? ali-
ud sane est , falli quoad ipsam exiftentiam rei, & aliud
est falli quoad -modum exissendi.
Jam vero ruere non potest hoc P. Malebranchii
fundamentum, quin totasimul ejus probationum mo-
les vacillet, & corruat, tantumque abest , ut ille
philosophiam peripateticam labefastet, ut confirmet
G 3 potius