Schiltberger, Hans: Ein wunderbarliche vnnd kurtzweilige History: Wie Schildtberger, einer auß der Statt München in Beyern, von den Türcken gefangen, in die Heydenschafft geführet, vnd wider heimkommen ist, sehr luostig zu lesen (Frankfurt a.M., [circa 1570]) [VD16 S 2879]

wie ſte vor gethan haben / ſo lang biß der rod er-
fault / das thun ſie darumb / denn ſie vermeinen er
ſey heilig / darumb daß jhn das wetter erſchlagen
hat. Das Koͤnigreich zu Reuſſen das iſt ʒinßbar
dem Tartariſchen KRoͤnig / vndiſt zu mercken / daß
vnter den roten Tartaren / dreyerley geſchlecht iſt /
eines heißt Keyat / das ander J atzu / das dritt Mu-
gal / Auch iſt zumercken / daß die Tartarey drey
Monat tagreiß weit iſt / ein breit eben land / darinn
man kein holtz noch ſtein findet / denn graß. Die ob-
geſchriebenen land gehoͤren all zu der groſſen Tar-
tarey / in den allen ich geweſen bin. Jch bin auchin
Arabia geweſen / darinn die auptſtatt in Heyd-
niſcher ſprach heißt Miſir. Die Statt in dem Koͤ-
nigreich hat zwoͤlff tauſent gaſſen / vnd jeglich Gaß
hat zwoͤlff tauſent heuſer / Jn der Statt ſitzt Koͤ-
nig Soldan / der ein KRoͤnig vber all Heydniſch Koͤ-
nig iſt / vnd ein Herr vber all Heydenſchafft / Er iſt
ein mechtiger Herr an Silber vnd an Gold / vnd
an edlem Geſtein / hatt taͤglich an ſeinemhof zwen-
tzig tauſent mann. Es iſt zumercken / daß keiner
Koͤnig Soldan werden mag / er ſey denn verkaufft.

Wie viel Koͤnig Soldan geweſen / dieweil
ich in der leydenſchafft gewe-
ſen bin.
e Jewol viel Koͤnig Soldan geweſen / wil ich
I erzelen / dieweil ich darinnen war / Der erſt
onig Soldan was genannt Warachloch.
Darnach ward einer genannt Mathas / der ward
gefangen / vnd zwiſchen zwey bretter gelegt / vnd
nitten von einander geſegt nach der leng. Nachjm
ward