Schlosser, Julius von [Hrsg.]: Schriftquellen zur Geschichte der karolingischen Kunst (Quellenschriften für Kunstgeschichte und Kunsttechnik des Mittelalters und der Neuzeit, Wien: Graeser, 1892)

330

967.
Item.
Glaucicomis undis lapsantem dextera Petrum
Sublevat altithroni, noscit prolemque tonantis.
Aethereae SolimaePetrus fit claviger almus
Cui dat ovile deus triplicis post famen amoris.
Item.
Edocet altithronus Petrum sequeretur ut ipsum,
Inrorat Cephas synagogam nectare verbi.
Suscipit Aeneas optatae dona salutis
Monstrantur vestes Dorcas quae texuit alma.
Item.
Thabitam Simon Acheronte redux ab imo
Apparet cunctis mox vivens laetaque Dorcas.
Eximius pastor, populi didascalus ampli
Cornelium sacro catazizat dogmate Christi.
Item.
Claudus ovat gressu Petro miserante salaci
Impius Herodes quem tetro carcere trusit.
Angelus aethereis sed tunc demissus ab astris
Mox Simona pium latebrosis duxit ab antris.
Item.
Angelus a Petro discessit in aethera scandens
Ecclesiae princeps posthaec ad tecta Mariae.
Venerat, excipitur hospes venerandus honore
Instruit hic plebem tenebris morbisque repulsis.
Item.
Cornelium Petro sacrato fonte reformat
Anthiochia potens, cuius mox lampade gaudet.
Aurea Roma cluit Petro Pauloque refulgens
Hos contra vehitur Simon magus arte strophosa.
Item.
Fertur in astra volans Simon mirabile monstrum
Labitur infelix, moritur fractoque cerebro.