Tulasīdāsa [VerfasserIn]: Rāmāyaṇa ([1]): Bālakāṇḍa (Lakhanaū: Navalkiśora Presa, 1916)

१४२
रामायण बा० ।
देव एक गुण धनुष हमारे । नव गुण परमपुनीत तुम्हारे ।।
सब प्रकार हम तुमसन हारे । क्षमहु विप्र अपराध हमारे ।।
दो० बार बार मुनि विप्रवर कहा राम सन राम ।
बोले भृगुपति सरुष होइ तुहूं बन्धुसम वाम ।।
निपटहि द्विजकरिजानेहु मोहीं । मैं जस विप्र सुनाऊं तोहीं ॥
चाप स्रुवा शर आहुति जानू । कोप मोर अतिघोर कृशानू ।।
समिधि सेन चतुरङ्ग सुहाई । महामहीप भये पशु आई ।।
मैं यहि परशु काटि बलि दीन्हा । समरयज्ञ जग कोटिन कीन्हा ॥
मोर प्रभाव विदित नहिं तोरे । बोलसि निदरि विप्रके भोरे ॥
भंजेउ चाप दाप बड़ बाढ़ा । अहमितिमनहुँजीतिजगकाढ़ा ॥
राम कहा मुनि कहहु विचारी । रिस अतिबड़ि लघुचूक हमारी ॥
छुवतहि दूट पिनाक पुराना । मैं केहिहेतु करौं अभिमाना ॥
दो० जो हम निदरहिं विप्र बदि सत्य सुनहु भृगुनाथ ।
तौ अस को जग सुभट जेहि भयवशनावहिंमाथ ॥
देव दनुज भूपति भट नाना । समबल अधिक होउ बलवाना ।।
जो रण हमहिं प्रचारय कोऊ । लरहिं सुखेन काल किन होऊ ।।
क्षत्रिय तनुधरि समर सकाना । कुल कलंक तेहि पामर जाना ॥
कहौं स्वभाव न कुलहिं प्रशंसी । कालहु डरहिं न रण रघुवंसी ॥
विप्रवंश की अस प्रभुताई । अभय होइ जो तुमहिं डराई ॥
सुनि मृदुगू्ढ़ वचन रघुपति के । उघरे पटल परशुधर मतिके ।।
राम रामापति कर धनु लेहू । खैंचहु चाप मिटै संदेहू ।।
देत चाप आपुहि चढ़ि गयऊ । परशुराम मन विस्मय भयऊ ॥
दो० जाना राम प्रभाव तब पुलक प्रफुल्लितगात ।
जोरि पाणि बोले वचन प्रेम न हृदय समात ॥

142
rāmāyaṇa bā0 |
deva eka guṇa dhanuṣa hamāre | nava guṇa paramapunīta tumhāre ||
saba prakāra hama tumasana hāre | kṣamahu vipra aparādha hamāre ||
do0 bāra bāra muni vipravara kahā rāma sana rāma |
bole bhṛgupati saruṣa hoi tuhūṃ bandhusama vāma ||
nipaṭahi dvijakarijānehu mohīṃ | maiṃ jasa vipra sunāūṃ tohīṃ ||
cāpa sruvā śara āhuti jānū | kopa mora atighora kṛśānū ||
samidhi sena caturaṅga suhāī | mahāmahīpa bhaye paśu āī ||
maiṃ yahi paraśu kāṭi bali dīnhā | samarayajña jaga koṭina kīnhā ||
mora prabhāva vidita nahiṃ tore | bolasi nidari viprake bhore ||
bhaṃjeu cāpa dāpa baड़ bāढ़ā | ahamitimanahuṁjītijagakāढ़ā ||
rāma kahā muni kahahu vicārī | risa atibaड़i laghucūka hamārī ||
chuvatahi dūṭa pināka purānā | maiṃ kehihetu karauṃ abhimānā ||
do0 jo hama nidarahiṃ vipra badi satya sunahu bhṛgunātha |
tau asa ko jaga subhaṭa jehi bhayavaśanāvahiṃmātha ||
deva danuja bhūpati bhaṭa nānā | samabala adhika hou balavānā ||
jo raṇa hamahiṃ pracāraya koū | larahiṃ sukhena kāla kina hoū ||
kṣatriya tanudhari samara sakānā | kula kalaṃka tehi pāmara jānā ||
kahauṃ svabhāva na kulahiṃ praśaṃsī | kālahu ḍarahiṃ na raṇa raghuvaṃsī ||
vipravaṃśa kī asa prabhutāī | abhaya hoi jo tumahiṃ ḍarāī ||
suni mṛdugūढ़ vacana raghupati ke | ughare paṭala paraśudhara matike ||
rāma rāmāpati kara dhanu lehū | khaiṃcahu cāpa miṭai saṃdehū ||
deta cāpa āpuhi caढ़i gayaū | paraśurāma mana vismaya bhayaū ||
do0 jānā rāma prabhāva taba pulaka praphullitagāta |
jori pāṇi bole vacana prema na hṛdaya samāta ||