Tulasīdāsa [VerfasserIn]: Rāmāyaṇa ([1]): Bālakāṇḍa (Lakhanaū: Navalkiśora Presa, 1916)

३२
रामायण बा० ।
जो प्रभु दीनदयालु कहावा । आरति हरण वेद यश गावा ॥
तौ मैं विनय करौं करजोरी । छूटै वेगि देह यह मोरी ॥
जो मोरे शिव चरण सनेहू । मन क्रम वचन सत्यव्रत येहू ॥
दो० तौ समदर्शी सुनिय प्रभु करौ सो वेगि उपाय ।
होइ मरण जेहि बिनहिंश्रम दुस्सहविपति विहाय ॥
यहिविधि दुखित प्रजेशकुमारी । अकथनीय दारुण दुखभारी ॥
बीते संवत सहस सतासी । तजीसमाधि शम्भुअविनासी ॥
राम नाम शिव सुमिरण लागे । जानेउ सती जगतपतिजागे ॥
जाइ शम्भुपद वन्दन कीन्हा । सम्मुख शंकर आसन दीन्हा ॥
लगे कहन हरिकथा रसाला । दक्ष प्रजेश भये तेहिकाला ॥
देखा विधि विचारि सबलायक । दक्षहिकीन्ह प्रजापतिनायक ॥
बड़ अधिकार दक्ष जब पावा । अतिअभिमानहृदयतबआवा ॥
नहिंकोउ असजन्मेउ जगमाहीं । प्रभुता पाइ जाहि मद नाहीं ॥
दो० दक्ष लिये मुनि बोलि तब करन लगे बड़याग ।
नेवते सादर सकल सुर जे पावत मखभाग ॥
किन्नर नाग सिद्ध गन्धर्वा । वधुन समेत चले सुर सर्वा ॥
विष्णु विरंचि महेश विहाई । चले सकल सुर यान बनाई ॥
सती विलोकेउ गगन विमाना । जातचले सुन्दर विधिनाना ॥
सुरसुन्दरी करहिं कलगाना । सुनतश्रवण छूटहिंमुनिध्याना ॥
पूंछेउ तब शिव कहेउ बखानी । पितायज्ञ सुनिकै हरषानी ॥
जो महेश मोहिं आयसु देहीं । कछुदिन जाइ रहौं मिसुएहीं ॥
पति परित्याग हृदय दुखभारी । कहै न निज अपराध विचारी ॥
बोलीं सती मनोहर वानी । भय संकोच प्रेम रस सानी ॥
दो० पिताभवन उत्सव परम जो प्रभु आयसु होइ ।

32
rāmāyaṇa bā0 |
jo prabhu dīnadayālu kahāvā | ārati haraṇa veda yaśa gāvā ||
tau maiṃ vinaya karauṃ karajorī | chūṭai vegi deha yaha morī ||
jo more śiva caraṇa sanehū | mana krama vacana satyavrata yehū ||
do0 tau samadarśī suniya prabhu karau so vegi upāya |
hoi maraṇa jehi binahiṃśrama dussahavipati vihāya ||
yahividhi dukhita prajeśakumārī | akathanīya dāruṇa dukhabhārī ||
bīte saṃvata sahasa satāsī | tajīsamādhi śambhuavināsī ||
rāma nāma śiva sumiraṇa lāge | jāneu satī jagatapatijāge ||
jāi śambhupada vandana kīnhā | sammukha śaṃkara āsana dīnhā ||
lage kahana harikathā rasālā | dakṣa prajeśa bhaye tehikālā ||
dekhā vidhi vicāri sabalāyaka | dakṣahikīnha prajāpatināyaka ||
baड़ adhikāra dakṣa jaba pāvā | atiabhimānahṛdayatabaāvā ||
nahiṃkou asajanmeu jagamāhīṃ | prabhutā pāi jāhi mada nāhīṃ ||
do0 dakṣa liye muni boli taba karana lage baड़yāga |
nevate sādara sakala sura je pāvata makhabhāga ||
kinnara nāga siddha gandharvā | vadhuna sameta cale sura sarvā ||
viṣṇu viraṃci maheśa vihāī | cale sakala sura yāna banāī ||
satī vilokeu gagana vimānā | jātacale sundara vidhinānā ||
surasundarī karahiṃ kalagānā | sunataśravaṇa chūṭahiṃmunidhyānā ||
pūṃcheu taba śiva kaheu bakhānī | pitāyajña sunikai haraṣānī ||
jo maheśa mohiṃ āyasu dehīṃ | kachudina jāi rahauṃ misuehīṃ ||
pati parityāga hṛdaya dukhabhārī | kahai na nija aparādha vicārī ||
bolīṃ satī manohara vānī | bhaya saṃkoca prema rasa sānī ||
do0 pitābhavana utsava parama jo prabhu āyasu hoi |