Dūdhadāsa [Hrsg.]: Rāmāśvamedha bhāṣā (Lakhanaū, 1900)

अश्वमेधयज्ञ श्रीरामचन्द्रजीकी ॥
सोरठा ॥
बन्दौं चरण पुनीत गुण प्रतिपालन गजवदन ।
जे पूजत करि प्रीत होत परम कल्याणमय ॥
बन्दौं गुरु पदरेनु मन रञ्जन अञ्जन दृगन ।
मुद मंगल सुख दनु सूझिपरै रघुबर चरित ॥
बन्दौं तनयसमीर ज्ञानखान रघुनाथ प्रिय ।
जासु हृदय रघुबीर बसहिं सदा शरचापधर ॥
बन्दौं अज सनकादि सनक सनातन जय विजय ।
ऋषि परमारथवादि जे नित गावहिं राम यश ॥
बन्दौं सिन्धुसुजान शैलसुता षटमुख सहित ।
सकल सुमंगलखान नन्दीपति गिरिजारमण ॥
बन्दौं रघुबर पद जलजाता । आरतिहरण परमसुखदाता ॥
पुनि लक्ष्मण युगचरण नमामी । बीर धुरीण राम अनुगामी ॥
बन्दौं चरण भरत द्वउ भाई । शील सनेह ज्ञान अधिकाई ॥
बन्दौं तीरथराज प्रयागा । मज्जनते कोटिन अघभागा ॥
बन्दौं साधु सन्त जग जेते । करौं प्रणाम नाय शिर तेते ॥
गिरामूक शारद श्रुति शेशा । सुर मुनि नारद सप्त ऋषेशा ॥
महि पाताल अकाश समेता । भूधर विटप पयोनिधि सेता ॥


aśvamedhayajña śrīrāmacandrajīkī ||
soraṭhā ||
bandauṃ caraṇa punīta guṇa pratipālana gajavadana |
je pūjata kari prīta hota parama kalyāṇamaya ||
bandauṃ guru padarenu mana rañjana añjana dṛgana |
muda maṃgala sukha danu sūjhiparai raghubara carita ||
bandauṃ tanayasamīra jñānakhāna raghunātha priya |
jāsu hṛdaya raghubīra basahiṃ sadā śaracāpadhara ||
bandauṃ aja sanakādi sanaka sanātana jaya vijaya |
ṛṣi paramārathavādi je nita gāvahiṃ rāma yaśa ||
bandauṃ sindhusujāna śailasutā ṣaṭamukha sahita |
sakala sumaṃgalakhāna nandīpati girijāramaṇa ||
bandauṃ raghubara pada jalajātā | āratiharaṇa paramasukhadātā ||
puni lakṣmaṇa yugacaraṇa namāmī | bīra dhurīṇa rāma anugāmī ||
bandauṃ caraṇa bharata dvaü bhāī | śīla saneha jñāna adhikāī ||
bandauṃ tīratharāja prayāgā | majjanate koṭina aghabhāgā ||
bandauṃ sādhu santa jaga jete | karauṃ praṇāma nāya śira tete ||
girāmūka śārada śruti śeśā | sura muni nārada sapta ṛṣeśā ||
mahi pātāla akāśa sametā | bhūdhara viṭapa payonidhi setā ||