157

und uf kainen menschen. Sy hat in ihren ersten jaren vil groß anstirni
erlitten von den dryen schwesteren, so von uns mit fryem willen gen
Parendis gangen und nie von uns hond wellen haben. Da hat sy uns
mit großem stritt und müetterlicher treüw erhalten, das ihr kaine ine
genomen werd. Ihr erwird hat auch mit großer arbait den buw des
garten, welchen sy begert zuo witteren, volbracbt. Och hat sy zuo der
kustery vil geben, als nemlich ain leibfarb taffentind fierhang, am
grienen attlesin und ain goltgelben taffentin mit sampt den dryen zwech-
len diirzuo, mer auch gar vil schöner pfater] n[oste]r, und hat große
turen in ihren jarren gehebt, aber wisslich und fürsichtigklich hus ge-
halten , damit mir nit widerum in geltschulden kiiment. Darum soll ir
gedechtnus gehalten werden alle jar in dem crüzgang, so mir anderen
aptyssinen haben. Ihr tugendrieb, leben hat sy beschlossen mit ainem
söligen end in der nywen jars nacht zwischen 12 und ain uhr, wie das
alt jarr uß und das neyw ingangen ist, [83a] das in der ersten stund,
so das 91 jarr ist ingangen und man hat anfangen zellen 1592 jarr.
Ihr erwirde was alt 55 jarr und im heiligen orten 42 jarr. Soll ir jarzitt
begangen werden nach unsers ordens gewonhait.

Es wirdt jarzeit unser lieben, getreüwen^ fraw muotter seligen
Maria Cleophe Duocherin von Freyburg, die biß in das ailftc jarr ap-
tyssin und unser allertreüweste vorgengerin ist gesin. ain gaistliche
große liebhaberin und buwmaisterin im zittlichen und gaistlichen und
des göttlichen dienst. Hat kaine mye und fleiß gespart tag und nacht,
dass sy etwas dem gottshaus und zur custery ersamle und erbettle, was
ihr gott zuogcschickt von geschwisterigen, frindon und frömden , dabin
gewendt, wie [man] by den 4 jarzeiten und Jerusalembuoch geschrihen
findt; ihres alters im 58 jar und im 33 im heiligen orden. Aus gehor-
same der oberkait ist sy in dem 1630 jarr in das gottshaus
Wittichen zu ainer aptyssin erweit und gesezt worden, mit großein
Immer und schmerzen von uns komen. Hat darin gelebt und geregiert vom
Balmabent biß an den ncwen jars tag, als man hat anfangen zellen 1631,
ist ihr erwirde von gott dem allmechtigen aus dissein janierthal mit einem
seligen, schönen end zue den ewigen fröden abgefordret worden. Soll
ihr jarzeit und gedechtnus gehalten werden nach unsers ordens gewonheil.

[84a]1 2 tag. Es wirdt ....

1 Hl. 84b bis 8Gb, 87b, 89, 90b, 91b, 92, 93, 94b, 95b, 90, 97b, 98,
99b, 100, 101b, 102b bis scliluss sind leer.