Hartmann; Haupt, Moriz [Editor]: Der arme Heinrich und die Büchlein: von Hartmann von Aue (Leipzig, 1881)

66

ERSTES BÜCHLEIN.

er klagete sine swaere
niwan in sinem muote 25
und bet in siner huote,
so er beste künde,
daz ez ieman befunde.
daz was von Owe Hartman,
der ouch dirre klage began 30
durch sus verswigen ungemacb.
sin lip zuo sinem herzen sprach
c0we, herze unde sin,
waerst du iht anders denne ich bin,
du haetest wol versolt um mich 35
daz ich klagete über dich
allen den ich des getrüwe
daz si min schade gerüwe,
daz si mich raechen an dir.
und waere dar zuo state mir, 40
zwäre ich taete dir den töt
und gulte dir alsolhe not
die du mir ofte bringest,
wan du mich leider twingest
mit diner krefte swes du wil: 45
wan des gewaltes ist so vil
des dir an mir verlazen ist
daz mir deheines mannes list
fride da vor mac gegeben
ichn mileze in dime gewalte leben. 50
daz ich dem niht entwenken mac,
des gewinne ich manegen swaeren tac:
wan dich wil niht genüegen
swaz du mir mäht gefüegen
nach gender riuwe.
daz ist ein untriuwe
sit du in mir gehüset hast
25. niwan fehlt. 29. herr hartman 30. dise 33. vnil dein
syn 35. verschuldet 37. getraw 38. geraw 39. rechen
40. weere] wie es stat 50. ich 54. wes d. m. magst zu gefüegen