Hartmann; Haupt, Moriz [Hrsg.]: Der arme Heinrich und die Büchlein: von Hartmann von Aue (Leipzig, 1881)

ZWEITES BÜCHLEIN.

125

sin selbes libe verbau
ob er äne kumber si
leides unde sorgen fri,
well er sieb da von scheiden 25
mit tüsent tüsent leiden
und immer angestliche leben,
so nem er mich ze rätgeben:
sit er sin selbes vient ist,
ich lere in einen snellen list 30
der im ze sorgen muoz ergän.
er tuo als ich da habe getan,
ich kan wol gnade leren
ze ungemache keren.
ich gihe niht daz ich mache 35
senfte üz ungemache:
wan got weiz wol, künde ich daz,
ich bedorfte es selbe und niemen baz.
daz erger kan ich, deist min slac:
daz bezzr ich niht geleren mac. 40
daz hän ich dankes mir genomen.
ich bin uz senfte in sweere komen:
nü kerte ich gerne: ich enkan.
wesse ab ich wä ich den man
nach minen saelden funde 45
der mich geleren künde,
nach dem strich ich ze Kriechen,
der mich freude siechen
mit siner kunst ernerte
und dem töde erwerte 50
der da begrebet lebenden man
der sich als ich niht neren kan.
Ich hoere ie noch die wisen
loben unde prisen
volkomene minne 55

27. an gaistlich 30. lernne 38. selbe fehlt. 39. das ist
40. gelernnen 41. des h. i. d. m. gewunnen 43. gerne] wider
44. wes aber 46. gelernnen 51. lebentigen 52. erneren