Hartmann; Haupt, Moriz [Hrsg.]: Der arme Heinrich und die Büchlein: von Hartmann von Aue (Leipzig, 1881)

126

ZWEITES BÜCHLEIN.

ze dem besten gewinne
und zer oberisten kröne
von dem süezisten löne
den diu werlt geleisten mac.
ouch kiuse ich naht unde tac 60
an den die liebes sint gewon
daz ir herze da von
wünnecliche sl gemuot
zwäre als ez von rehte tuot.
so wir an die sseligen sehen, 65
deswär so müezen wh* des jehen
für daz aller beste ritters leben
daz got der werlte hat gegeben,
swä ein wol bescheiden man,
der ritters namen gedienen kan, 70
minnet ein bescheiden wip,
die mit triwen ir lip
ein ander beide habent gegeben
und so schaffent ir leben
daz si saeligiu kint 75
ein ander ze allen ziten sint
ze frömde noch ze heimlich:
so ist ir freuden niht gelich.
üf daz selbe wunschleben
so het ich minen vliz gegeben 80
in miner frouwen gewalt:
dar inne wolt ich werden alt.
ich gedäht, ob ez ergienge
daz min genäde vienge
min frowe für anderiu wip, 85
daz danne immer min lip
müese sin vor aller not
geruowet unz an minen töt,
gekrcenet unde geeret.
57. vnd zu der 58. von den 62. daz ein h. 63. sind
65. an den 66. zwar 74. schephet 79. wirs leben: verbessert
von Lachmann.