Hartmann; Haupt, Moriz [Hrsg.]: Der arme Heinrich und die Büchlein: von Hartmann von Aue (Leipzig, 1881)

148

ZWEITES BÜCHLEIN.

swenne si des minne
von ir schulden verkür, 795
daz wizze daz si dran verlür.
Sus si min frouwe gemant
und wizze daz ich in ir hant
bede sinne unde leben
mit rehten triwen hän gegeben. 800
ich lege und hän an si geleit
zwäre michel arbeit
an libe unde an muote.
und wizze wol diu guote
daz ich an ir niht verzage. 805
und si daz ich ouch ir behage,
dar nach vähez mit mir an.
ob si wil unde kan
geselleschaft behalten,
so miiez wir sament alten. 810
Kleinez büechel, swä ich si,
so wone miner frowen bi,
wis min zunge und min munt
und tuo ir staete minne kunt,
daz si doch wizze daz ir si 815
min herze ze allen ziten bi,
swie verre joch der lip var.
zwäre sul wir immer gar
ein ander werden benomen,
daz muoz von ir schulden komen. 820
Waz mac ich nü sprechen mere?
wil si mir sin ze here,
so minne ich si ze sere.
swar min geliicke kere,
so bewar diu gotes lere 825
ir lip und Sterke ir ere.
796. diu wizze? 798. ich] sy 806. ir fehlt. 810. so muessen
wir ensament alten 817. joch Lachmann} fehlt. 825. der gotes
sere 826. Eere. Amen.