Heidelberger Volksblatt (5) (1872)

D'r Na
Drau, ſchau, wem!
's is emool ſo. Wer
Bekanntſchaft macht,
dhu die Aage uff.
Un hiet ſich for ge-
wiſſe Schäde! Nit
alle Liebhawer reba-
riere mit d'r Zeit,
was ſe verbroche
hawe. Gar Man-
cher laaft davun un
loßt die B'ſcheerung
am Baam henke.
So e Schtickl vun
Lieb un Drei hätte
mer widder emool
aus d'r neekſcht Hei-
dlberger Umgegend
zu verzeichne. WOrr
Ortsnaame d'r Hel-
dethat wolle mer grad
nit zum Beſchte ge-
we, dann es is ganz x‚
egaal, wo die faule
Epple uff de Beem
wachſe. Alſo in d'r
Heidlberger Umge-
gend hott kerzlichen
Borſch g'heiert, der ſich ſein guti Freindin, mit der'er
frieher uff'eme außerorndlich verdrauliche Fuß g'ſchtanne
un gange, nit annerſcht bei d'r Drauung uff'm Roothhaus
vum Hals hott halte kenne, als daß'r em Bolizeidiener
vum Ort en Gulde gewe, vor denn'r Wacht vor d'r Haus-

ggalmaier.

dhier d'r ehmals Gelüpfte hott halte miſſe, daß'r ke Kal-

ches vun'r bei d'r heilige Handlung gemacht kricht. In
denne Umſchtänd is dann gah die Hochzeit glicklich vorbei
gange, un unſerm Neivermählte is en Schtein vum
Herze g'falle. Daß die bewacht ehmals Gelüpfte ſo nei-
gierig war, d'r heilige Handlung uff'm Roothhaus zuzu-
gucke, is freilich ſehr erklärlich, wann ma bedenkt, daß d'r
glickliche Netvermählte bei d'r „Freindin“ bereits zweemool
liewendi Vatter ſchtell bei'r verdreete un unner annerm
aah ſo gutmiethig war, ihrn ſauer verdiente Lohn vunn'r
uff d'r Feldpoſcht anzunemme, ſo lang'r im Krieg war
un mit de Franzoſe g'foͤchte. Deß eenzige Andenke, daß'r'er
for all deß Lieb's un Gut's, deß ſe'me ſein Lebdag ange-
dhan, zurickgeloßt, is e zukinftigt Kleenigkeit un e paar

alte Unnerhoſſe. Drum ſag ich: Ihr Meedle uff'm Land:

Macht die Aage uff! Drau, ſchau, wem: Es is nit al-
les Gold, was glänzt!
Beiſchbiel an faule Eppl! —
Aah vor d'r neie Unfehlbarkeit hiet eich, ihr Meedle!
Es derf eich Eener noch ſo viel vun d'r Unfehlbarkeit
verzähle, er bleibt dernderwege doch immer en ſchwacher

Menſch, der en Fehler mache kann. D'r ſcheene W. hott

Nemmt eich e Exempl vumme

12

mer do wenigſchtens e verfluchti G'ſchicht verzählt: Mir
hawe jetzt aah unſern Birger Pater in d'r frehlich Palz,
Gott erhalt's, ſegt'r. Ich war'em lang uff d'r Spur.
Endlich haw ich'n verwiſcht. En gewiſſer Herr Pater,
ſegt'r, ſchleicht nämlich ſchun e geraumi Zeit in e gewiß
Haus, in der e gewiſſt Mutter mit'ere gewiſſe Freile Doch-
ter wohnt. No, denk ich, Mutter un Dochter brauche
wahrſcheinlich in irgend eme Drauerfall de geiſchtliche
Beiſchtand un deß ſinn ihr Sache. Deß geht ke Menſch
was an. Amme ſcheene Dag ſeh ich awer aah de Herr
unfehlbare Dokter im Haus ein⸗- un ausgehn. Dunner-
wetter, denk ich, was is do loos. Pater un Dokter! Deß
hott mer nit glatt g'ſetze. Do muß e Unglick baſſirt ſein,
denk ich un mach d'r Madam im zwette Schtock, die ich
die Ehr hab, zu kenne, mein Uffwartung. Noochdem ich
d'r unfehlbare G'ſellſchaft dann zu dem mir noch unbe-
kannte Maleer mein Beileid ausgedrickt, is die Mutter
endlich unner vier Aage ſo weit mit d'r deitſche Schbroch
rausgerickt, daß ſe mer g'ſchtanne: daß ſich eewe ihr Dech-
terle den bekannte fromme Schbruch: Seid fruchtbar un
vermehret eich, ſo zu Herze genumme, daß ſe jetzt e B'ſchee-
rung hätt, die d'r Herr Pater vun d'r heilige Unfehlbar-
keit bereits eingeſeegnet! Weiter kennt ſe nix ſage, ſunſcht
dhät ſe am End aah for verrickt erklärt werre, wie ihr
mitterliche Kollegin in Linz!
Bei Sr. Exellenz, Graf Bambelino muß es iwerigens
aah nit ganz ſauwer ſein, Männer. Bei dem geht aweil
aah d'r Dokter aus un ein. Die unglicklich Excellenz hott
nämlich beiere mufikaliſche Oowendunnerhaltung in Folge
vumme Mißverſchtändniß e kleeni Hernerſchitterung davun-
gedrage, die, drotz mit Kolbe barrirt worre is, eewe nit
zu vermeide war un vun der heit noch die ſichtbarſchte
Schbure iwerig ſinn. Wahrſcheinlich kummt noch die
G'ſichtsroos dazu. Iwerings genießt Se. Execellenz die
ſorglichſt Pfleg un is d'r uffrichtigſchte Theilnahm amme
gewiſſe runde Werrthshausdiſch verſichert. So hott'm per
Exempl unſer Roßhoormatratzefawrikant in d'r Millionär-
ſchtrooß ſchun e extra gepolſchtert Ruhkiſſe g'ſchickt, uff
dem aah Se. Excellenz bereits e famoſi Nacht zugebrocht
hawe ſoll. G'fahr is bei Sr. Exeellenz iwerhaabt nit
grad vorhande, un is zu hoffe, daß die kräftig Natur Sr.
Excellenz zur baldige Geneſung beidrage werd, womit ich
for heit deß erſcht Billetin iwer de hohe Zuſchtand Se.

gräfliche Gnade ſchließe! —

Ob die „kleine, feine Familie“, die im Anzeiger e
ab g'ſchloſſent Wohnung mit Gartevergniege ſucht, ſchun
zufriede g'ſchtellt is, weeß ich nit, Männer. Die kleen
Familie muß iwerigens nit alleen fein, wie ſe ſelwer
ſegt, ſondern muß aah ſehr g'ſcheid ſein. Drei bis vier
Zimmer, Kich u. ſ. w., mit'eme halwe Morge Gartever-
gniege for 200 — 300 Gulde is wenigſchtens nit dumm.
Wann die geehrt fein Herrſchaft g'funne, was ſe ſucht,
bitt ich um g'fällig“ Mittheilung. Ich geh mit meiner
feine Familie ſchun lang uff ſo was „Abg'ſchloſſenes“
aus, un kann's nit finne, ohne daß ich mit'm Elleboge in
de Sack kumm. Norr fein, Männer.

Druck vo G. M ohr. — Verlag von G. Geiſendörfer.