Nikolaus; Pfeiffer, Franz [Editor]: Die Deutschordenschronik des Nicolaus von Jeroschin: ein Beitrag zur Geschichte der mitteldeutschen Sprache und Literatur (Stuttgart: Franz Köhler, 1854)

48 —

und dar zü des sigis pris,
der in von der gotis hant
wart dö zeichinlich gesant.
des si lob mit wirdekeit,
Jesu Criste, nu geseit
dime süzin namen
und ewiclichin. ämen.
Nü hatte brächt vil böse mör
58a hin zü Thorun Drüsiger
der truchtsäze, als ich hän
da vor verjehn, dö er in trän
mit den sinen gar vorzeit.
er hatte offinbar geseit,
daz der meistir were
mit al dem cristnen here
irslagin dort in strite töt.
da was ein jämirliche nöt
sö gröze clage intstandin
in beidin disen landin
zu Colmen, zu Polenen,
daz niman des sol wenen,
diz wer in wol sö gröz ein leit,
als in dä vor was i bereit,
abir üf den andrin tac,
dö di vesperzit gelac
und alz daz her in vollir craft
widir heim quam sigehaft,
nü merkit, ob icht wurdin vrö
di betrübtin cristnen dö !
deswär ir vroude wart sö gröz,
daz si mit schalle ubirdöz
al di jämirbernde nöt,
di in der andre tac ä böt.

185

190

195

200

205

210