Fliegende Blätter (71.1879 (Nr. 1771-1796))

20 Probates Mittel

oder

Die Kunst, 'eine böse Sieben zu zähmen.

Auö'm alte Drumbcder Seiler seine
Erin nerunge.

(Pfälzisch.)

Mein' Ehrcsäwel.

Wann sich die Leut' nach heutzudag
Nit diel mehr aus mir mache.

Was mar d'runn nach denke mag —

Dodriwer kann ich lache:

Ich brauch' mich um die Leut' nit scheerc.

Ich zehr' vnn meine alte Ehre!

Des könne Wenig', so wie ich.

Dann Viele hot's vnn dene
G'rad nit mehr in der Palz, wo sich
Mit so was rühme könne.

Daß se, wie ich — ich wollt' was wette —

En Ehrcsäwel g'schenkt kricht hätte!

„Vnn Wege was?" — Ja des war so:

Es war d'r an dem hecße
Un blnt'ge Dag vnn Waterloo,

Do hot's for uns geheeße:

„Nix als zaruck!" — Der alte Blücher
Un Wellington, die wäre Sieger.

Nabolion war ganz außer sich
Un krazt sich hinner de Ohre
Un flucht un schännt ganz ferchterlich
Un sächt: „Ich bin verlöre!"

Do knmmt der Ney noch hergeritte
Un sächt: „Mir werre abgcschnittc!"

Ich hör's mit an un reit' halt bei.

„Des werd grad nit bressire!"

Sag' ich. — „„Mein!"" sächt d'r d'ruf der Ney,
„„Mir müsse uns salvire,

Do kann nix helfe un nix badde:

Nor fort — sunscht sin mir all' de Ratte!""

Kaum Hot der Marschall Ney des g'sacht,

Do siecht mar nix als Fahne —

Der Boddem zittert, bebt un kracht:

Es wäre d'r Ulane,

Un zwar drei ganze Regimenter/

So Himmelherrgottsackermenter!

Do war der Kaiser ganz verdutzt.

Er gibt sei'm Gaul die Schbore

Un kreischt: „Nor g'schwind die Platt' gebutzt —

Die Schlacht is doch verlöre, —

Fort, was die Gäul' nor laafe könne.

Ich will nit g'fangc sein vnn dene!"

So sächt er un kratzt halt cweg. —

Do — heil'ger Gott im Himmel! —

Uf eenmol korglc d'r im Dreck
Der Kaiser un der Schimmel!

Do war's halt letz — dann die Ulane
Sin schnn ganz nah mit ihre Fahne.