Nikolaus; Pfeiffer, Franz [Editor]: Die Deutschordenschronik des Nicolaus von Jeroschin: ein Beitrag zur Geschichte der mitteldeutschen Sprache und Literatur (Stuttgart: Franz Köhler, 1854)

71

gewan daz blüt so grobin ganc,
des si wurdin also cranc,
daz daz lebin in intslanc.

34.
VON BRUDIR LUDEWIGE VON LIBENZELLE.
1.
1180. so wart von Libenzellen
gevangin brüdir Lüdewic
üf der selbin reise Stic.
Dirre brüdir Lüdewic
von Libenzelle was ein zwic
intsprozzin von edelre art
und von jugint üf gelart
übinde stritliche tat,
dä von er vil begangin hat
wundirs in menlichir schicht,
als her nach diz büch vorgicht.
und dö in sus der vinde craft
gevinc, er wart in bande haft
geantwortit Scomande.
und want in der irkande
einen degin wesin
zu strite üz irlesin
unde im wol an manheit glich,
des minte er in sundirlich
unde in gerne bi im sach.
da von ouch dar nä geschach,
daz Scomant einis solde varn
zu eime tränke, dä ouch warn
gesamnit in den ziten
di bestin Sudouwiten
nach des landis sitte,

5

10

15

20

25