Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 1): 787 - 1470 — Emden, 1878

DOI Page / Citation link: 
https://doi.org/10.11588/diglit.1950#0576
Overview
loading ...
Facsimile
0.5
1 cm
facsimile
Scroll
OCR fulltext
1451. 553

636*

Graf Gerd von Oldenburg und der Rath von Hamburg verbünden sich unter Vereinbarung der
näheren Punkte, namentlich zur Untemoerfung des Auricher-, Norder-, Brokmer- und Emsigerlandes
und zur Einnahme der Friedeburg und tinter gegenseitigem Versprechen von Hiilfstruppen, zur

Fehde gegen Häuptling Ulrich von Norden.
Orig. im Archive zu Hamburg.

Bargteheide, 2o. Februar 1431.

Witlick sy alle den ghennen, de desse scrift zeen, hören edder lesen, dat wy Gherd van
Godes gnaden, greve to Oldenborgh unde Delmenhorst an de enen, unde wy borghermeistere unde
radmanne der stad Hamborgh an de anderen siden, dorch sulfwalt unde overdaet Olrickes to
Noerden hovetlinghes uns teghens densulven Olricke, sine vrunde unde medehulpere, to hope
sätet unde vorbunden hebben, so dat wy ene unde sine vrunde veyd'en willen, und wy obgenomet
Gherd, greve to Oldenborgh unde Delmenhorst, scholen deme' rade to Hamborgh mit veerhundert
perden unde mit unssen undersaten to vote na unsser macht volghen uppe unsse eighene evenlure,
unde truweliken helpen den erscreven Olricke, sine vrunde unde undersaten in Aureker, Noerder,
Brokmer unde Emesingherlanden wonaftigh, undirdanich unde ghehorsam to makende, so dat se
uns Gherde, greven to Oldenborgh unde Delmenhorst, unde uns borgermeisteren unde radmannen
der stad Hamborgh nerghenane enteghen vallen, unde wan wy Gherd, greve to Oldenborgh unde
Delmenhorst, mit den unssen in Fresland in des rades to Hamborg hulpe sint ghekomen, so schal
de rad to Hamborg uns unde den unssen nodtroftighe kost und haveren bestellen, unde allent wes
wy denne in den landen winnen an rove, vanghenen edder dingktale, darvan schal de raed to
Hamborgh der kost unde des haveren tovoren sik vorhalen, unde wes dar denne van winste over-
blift, scholen wy vorgenomet Gherd, greve to Oldenborgh unde Delmenhorst, unde wy borgher-
meistere unde raedmanne der stad Hamborgh like delen. Doch so scholen wy vorgenomet Gherd,
greve to Oldenborgh unde Delmenhorst, in den landen ninerleie eghendoem uns beholden Des-
gheliken scholen wy borghermeistere unde radmanne to Hamborgh deme vorgherorden junckheren
Gherde to Oldenborgh etc. greven teinhundert weraftighe to tröste unde hulpe senden unde helpen
ome mit Gode de Vredeborgh winnen, oft wy moghen. Were ok, dat wy borghermeistere unde
radmanne der stad Hamborgh erkanden, dat deme ergenomeden junckheren Gherde to Oldenborgh etc.
greven merer unde starker hulpe darto noet unde behoef worde, so scholen wy ome nach unsser
eighenen erkantnisse starker hulpe schicken, so vor uns beide denne is van noden up unsse
eghene kost unde eventure; wes wy ok darsulves an rove, vanghenen edder dingktale wynnen,
dat scholen wy under uns ghelike delen, men de Vredeborgh unde wes darto behoret heft, schal
by deme genomeden junckheren Gherde unde siner herschop bliven, unde dar scholen wy borgher-
meistere unde radmanne der stad Hamborgh uns nicht ansteken edder mede bekümmeren, unde
darvan schal de genomet junckher Gherd den coepmann truweliken beschermen unde der van
Hamborgh undersaten, unde de se vordeghedingen, nicht beschedighen edder beschedighen laten.
Ok schal de Vredeborch des rades to Hamborgh opene slot wesen to alle eren noden, so dat se
sik daruth unde in moghen beschermen unde weren teghens allesweme, doch deme ergenomeden
junckheren Gherde to Oldenborgh etc. greven nicht to vorvanghe unde schaden. Ok so sohole.
 
Annotationen