Friedländer, Ernst
Ostfriesisches Urkundenbuch (Band 1): 787 - 1470 — Emden, 1878

Sheet: 649
DOI Page: Citation link: 
https://digi.ub.uni-heidelberg.de/diglit/drwOstfrUrkunde1878/0672
License: Public Domain Mark Use / Order
0.5
1 cm
facsimile
1460. G49

Norden, Aurike, Emden, Berum etc., in Oestvreslande hovetlinge unde sinen erven up ene, unde
Brunger, to Lockwerd unde Loppersum hovetlinge, zaliger gedechte unde sinen erven up ander
ziid, ene vullenkomene vaste zone unde entlike unvorbrecklike vrundscopp vorramet, gedegedinget
unde besloten ys, soe van allen schelingen und twidracht under en malkanderen upgestan unde
vorresen, dar en gud besegelt schiin up vorramet unde besegelt ghewesen ys, inholdene, woe de
vorben.'Brunger vor enie unde sine erven, geboren unde ungeboren, vrundliken myd guden
willen deme vorben. juueheren Olriken unde sinen erven, gheborn unde ungeborn, tor vrundscopp
unde entliken ewigen zone hadde unde hevet upgedregen unde gegeven an ener rechten, steden,
ewigen, erffliken gave alle dat erve, werve, borchstede unde herlicheit, de enie unde sinen kin-
deren unde erven in Aurike- unde Brokmanne lande van ervetals wegene mochten behorlyck
unde andrepende wesen, so dat de vorben. erbar juncher Olrick unde sine erven desse vorben.
erve, werve, borchstede unde herlicheit eweliken nae eren willen moghen bruken unde eren
erven vorterven sunder Brungers offte jemandes van syner off syner erven wegene rechte by-
sprake, ok sunder jenigerleie hulperede off intoch. Welke zone, vrundscopp unde gave ick
Ocko Brungersna, to Lockwert unde Loppersum hovetling, an desseme jegenwordigen breve
sterke, vortsette unde geve, de in vuller macht vort vor my unde myne erven, gheborn unde
ungeboren, to ewigen tyden sunder argelist stede unde vast so to holdende ane jenigerleie
hulperede. So geve ick over alle rechte geistlick unde warlick, de my mochten denen tegens
desse vorscr. uplatinge, unde love vor my unde myne crffnamen de numiner to brukende tegens
dessen breff unde nene hulpe uth den rechte off anders hyrtegen to sokende by myner zelen in
gudeme loven, went boven sodane vordrach unde zone my Ocko vorben. unde mynen erven de
vorben. juncher Olrick sunder klage off eschend myd guden willen unde vrundscopp elvep stige
grese landes myn 2'/'j g'-as in Westerhuser, Frebessumcr unde Midlumer hammerko liggende
uthwiset unde gegeven hevet erfflick egen to besittende unde to holdene, off nae unsemo willen
darmede to donde, woe id my unde mynen erven belevet, darumme ufft myn vader zaliger ghe-
dechte in der vrundscopp unde zone wes behalet unde benouwet were, ick unde myne erven
uns der benouwinge myd desseme vorscr. erve weder bekomen vorhalen unde entsetten mögen.
Ok hevet de erbenomde erbar juncher Olrick myn neve zaligen Mauricius Kancken kinderen
gegeven unde vornoghet achte stige grese landes vor dat vorwerck, dat juncher Keen deme
kloster to Ile entferdiget unde genomen hadde unde siner suster mede geven hadde to brutscatte,
worumme dat vorwerck van zalige Mauricius kindere vorlaten unde so gude unde quiit geschul-
dich ys in ere vredeliken were. Worumme ick sinen gnaden hochlicken dancke, unde scheide
den vorben. mynen leven neven unde sine erven aller ansprake van der erve, werve, borchstede
unde herlicheit wegene vorben. quyt, ledich unde loes, so dat ick unde myne erven darvan unde
van aller Vorgängen schelingen unde twidracht in tokomenden tiiden numiner up den vorben.
juncher Olrick unde sine erven, born off ungeborn, klagen off spreken willen off schullen sunder
argelist. Wer ock in Aurike- off Brokmanne lande van juncliers Ocken erve unde lande jenich
lant off erve, dat van junchcren Ocken off mynen vader rechtliken nicht vorkofft en were, dat
wise ick Ocko vorscr. unde make vulmechtich den vorben juncheren Olrike unde sine erven
gensliken dat to sinen willen to manende unde to vordernde an sine vullen hebbenden were to
vorsettene, to vorkopende off sinen erven vort to ervende, woe eine dat belevet sunder myne
unde myner erven bysprake, so vorscr. ys. Desses to merer kenntnisse unde bewisinge, hebbe
loading ...