Friedländer, Ernst
Ostfriesisches Urkundenbuch (Band 1): 787 - 1470 — Emden, 1878

Sheet: 651
DOI Page: Citation link: 
https://digi.ub.uni-heidelberg.de/diglit/drwOstfrUrkunde1878/0674
License: Public Domain Mark Use / Order
0.5
1 cm
facsimile
1460. 651

Sirke tor Vredeborch wolden fogen unde myt eme in ganser andacht unde flite also spreken
unde vorarbeyden, dat he den Unwillen, twyschen eme unde deme duehtygen Helmerike van
Fiikensolte') wesende, wolde tho lengher tiid bestan laten, wente men in sodaner körten tiid,
alse veerteyn daghe na Paschen, in der sake nycht entlikes kan vorramen; des, bysunderen guden
vrundes, so hebben wii umme juwer leve van deshalven myt deme genanten Syrke ghewesen to
worde unde to sproke, eme sulcke geven to vorstände; darup gaff he uns syne menynghe, he
wolde den unwyllen unde twydracht vrundliken overseen unde bestan laten umme unser bede
wyllen went veer weken na Paschen,a) darup so wyl he van stund an in juwer stad senden
synen scriver, de yu darup geven scal eynen openen besegelden breff, gheliiek he wedderumme
begeret van juwer leve, so dat he unde de syne ok vorwaret syn in gudem gheleyde van yu
unde den yuwen in deme vorscr. vrundliken bystande, unde denne eynen vrundliken dach tho
vorramende unde vorscrivende unde yn Buteyaden to holdende, nomptliken to Blexen uft Ey-
surden,3) went he in juwe stad nycht komen kan, darumme he myt juncheren Gerde to unwyllen
unde veyde gekomen ys; unde alse de 4 weken na Paschen vorlopen unde vorleden werden, so
wyl yd he yu tiide genoch to scriven, uft he des dages bekomen unde holden kan, unde uft gii
alse veer weken na Paschen des dages denne ok nycht warden konden, scolen gy eme over
tiide genoch scriftliken to wetende geven; unde wes wii dar furder gudes konen vorhandelen
unde bearbeyden, darinne don wii myt alleme flite gerne. Ock so gii scriven, gii unser een
nomptliken Alke bii yu qweme in yuwe stad gans gerne zegen, des, leven frundes, van vruchte
wegene steyd uns nycht wol to körnende in yuwe stad, went alse wii latest bii yuwer leve in
yuwer stad (weren), so weren ytlike personen up uns vinende unde golden uns upghenomen hebben,
men uft yuwe ersamheyt in Buteyade wolde komen, dar wyllen wii samptliken uft unser eyn
wulmechtych gerne bii yu wesen. Süd Gode to langhen tiiden gesund bevalen. Gescreven under
Tannen ingesegele, des wii alle dre hiir samptliken to bruken. Des saterdages na Valentini
martyris, anno etc. LX°.

Tanno Düren to Jever etc.

Lubbo Onnyken to Krypensen ^ hovetlinghes.

Alko to Inhusen

954. ') S. von Westerstede in Oldenburg.
*) 11. Mai.
3) Wohl Einswarden, dicht bei Blexen, Bremerhafen gegenüber.

83
loading ...