Friedländer, Ernst: Ostfriesisches Urkundenbuch (Band 1): 787 - 1470 (Emden, 1878)

244 1420.

late al man sin angheborne erve, de nu tor tijil under juncher Ocken unde sijnen vrunden an
desse syd der Eniese beseten synt, dat erve sy in Wange, Ostrynge, boven Jade ofte buten Jade
belegen, yd en were sake, dat welkes inannes erve tovoren openbare were vorvuehten myt doet-
slage, vorkof't ofte vorset, so dat inen myt rechte daer nycht en mochte upspreken van den
ancleghere nnde daer schal ik unde niyne vrunde twe kloke man an de eyne syd unde juncher
ücke unde syne vrunde twe an de ander syd to voghen, de de anclage unde antworde hören
unde rychten bynnen Jever ofte Auryke na overkumst der vere dar tho ghesatet up welker stede
dat nutte is, de vere schullen de anclage unde antworde handelen, ummedraghen unde richten
by swornen eden na rechte unde dat nicht umme leff ofte leet, umme gave ofte gued to latende
unde dat nycht bynnen enen inande daer na dat de anclage schud uth tho sprekene, unde de
veer schedeslude yo umme eyn inaenth thosamende up der tweyer stede eyn erghenant to komene;
desgelijkes schullen de vere mechtich wesen to schedene up dode halse, de nycht in opener veyde
gheslagen sint, daer nien gude bewisynge to bringen mach. Vortmere so hebbe ik my vorplichtet
unde vorbunden mit niinen vrunden to juncher Ocken unde sinen vrunden, alse vorghescr., dat
ik unde myne vrunden neue misdadige lüde alse mordere, stratenschynnere, vrouwenschender, deve
ofte mortberners malk up den ofte tegens malkanderen edder up malksanderen vrunden schullen
noch en willen untholden twischen der Lawerse unde der Wesere unde war ofte wanner unse
jenich den anderen so dane lüde na desser tijd klagenden een recht wedderfaren mochte to der
ver lüde segghene unde de handadege dat recht wedderspreke, so dane mysdedere schullen wy
samptliken ofte bisunderen vorvolghen unde richten als men so danen luden na rechte plichtich
is to donde sunder jenigerleye vorholt unde beschuddinge: Vortmer so wille wy den copinan
unde allen luden bynnen ofte buten Vreschen palen to watere unde to lande eyne velyge Straten
holden, id en were dat uns myt yemande orlich anvelle van not wegene buten Vreschlande, wes
dan den copmanne darover scheghe, de under den ghennen besethen were, dar wy dat orlich
mede hadden, des wille wy van hem unvormanet wesen. Item so wille wy unde unse vrende
allen luden bynnen Vreschen palen bruken laten ere holtmarke, oer erve linde gud, dar se recht
to hebben in den wede, unde 6) den wede sammetliken beschermen unde nyne heren darin to
stedene noch lierlychheyt darinne to gunnende wesen unde de wede by Rustrynge lande to bli-
vende. Item so en schal ik, myne erven unde negesten nakomelinge, noch en willen nummer to
ewighen tijden neue veyde noch twidracht hebben edder annemen mit juncher Ocken, sinen erven
unde vrunden, vor my noch vor myne vrunde, der ik mechtich bin edder immer mechtich werden
mach, unde were dat dar yumant van mynen vrunden ofte vrenden') de ik mechtich8) werden
mochte desse vorscreven articule up juncher Ocken, sinen erven unde vrunden wolde vorbreken
ofte vorbreke, dat God vorbede, dat wil ik mit mynen vrunden keren mit live unde mit gude na
alle myner macht. Item so schullen alle olde unde nyge breve, de unse olderen thovoren unde
wi na tosamende gegheven hebben in erer vidier macht bliven van den Ivanken kinderen. Alle
desse vorscreven articule samptlike off bisunderen love ik Sibet vorghescr. unde swere lifliken
stavedes edes mit upgerichteden vingeren alse een gud kristene juncher Ocken ergenant, sinen

G) Von liier bis blivende fehlt b.

') a hat vroiuden.

8) a hat . . de ik mechtich bynn off mechtich werden ....