DOI Seite / Zitierlink:
https://doi.org/10.11588/diglit.1950#0368
1429. 347
373.
Schutz- und Trutzbündniss zioischen dem Häuptling Sybet von Ostringen und Rüstringen und den
Häuptlingen Imelo Beninga zu Grimersum und Imelo zu Emden.
Nach dem Orig. im Besitze der Gesellschaft für bild. Kunst etc. zu Emden. — Msc. A. 1, Fol. 260'. Msc. A. 15.
Msc. A. 28. Gedr. Harkenroht S. 256; Matthaeus S. 237; Brenneysen S. 50.
11. März 1429.
Ik Sybet hoefftling in Oestringen unde Rustringen enckenno unde betughe openbaer vor
allesweme in dessen openen breve, dat ik vor my unde myne rechte erffghenamen my leefliken
unde vruntliken hebbe ghesatet, bcvruntschuppet, vorbunden unde vorbynde jeghenwordich in
krafft desses breves myd den ersamen Ymelen to Grymerssum unde Hlerlte etc., unde Ymelen
to Emeden hocfftlingen, unde eren rechten erffghenamen to ewigen daghen in desser wys hur na
bescreven: Int eerste off jemand were bynnen off buten landes, Dudesch off Vresen, de düsse
vorscrevenen Ymelen unde Ymelen, off ere rechten erffghenamen overvallen wolde myd veyden,
myd last off anderer unrechter ghewallt in saken, daer sich de vorgescrevenen Ymelen unde
Ymelo off ere erffghenamen beden ere unde rechtes to blyvende, to untkenninghe gueder lüde
Dudesch off Vreesch unde en dan nyn recht wedervaren mochte, dan zö zall unde will ik Sybet
vorscreven unde myne rechten erffghenamen so wanneer ik daer to gheesschet werde van den
eerghenanden Ymelen unde Ymelen off eren erffghenamen myd allen den ghenen daer ik mechtig
byn, vorderlich, bystendich unde behulplick wesen, teghen de ghene, de alsodanne ghewallt unde
unrecht an de vorscrevenen Ymelen unde Ymelen off ere erffghenamen keren unde weren zoe lange
dat ik en ere unde rechtes helpen mach, dat zy binnen off buten Vreeslande ghelegen. Des
gheliken zö zolen Ymelo unde Ymelo vorscreven unde ere erffghenamen by my unde mynen
erffghenamen wedder doen, daer uns dat also gheleghen were. Item off ik de Ymelen unde
Ymelen vorscreven jenighe volghinge zolde doen myd mynen vrenden bynnen off buten landes,
dan zo zolen Ymelo unde Ymelo off ere erffghenamen alle voderinge unde unkost upstaen upp
der zulfften reyse van der tyt, dat ik off myne erffghenamen by en komen unde wedder van en
scheden. Des gheliken zö zall unde wyll ik Sybet unde myne rechten erffghenamen doen off
sich also ghevelle, dat Ymelo und Ymelo vorscreven off ere rechten erffghenamen myd eren
vrenden my off den minen vorghescreven jenighe volginge zolden doen bynnen off buten landes.
Desse vorscrevenen artikelen van woerde to woerden loven ik Sybet vor my unde myne rechten
erffghenamen den vorscrevenen Ymelen unde Ymelen unde eren rechten erffghenamen also en
gued kerstenmensche by myner ere stede, vast unde unvorbroken to holdene to ewighen daghen
sunder alle arghelist, unde hebbe des to tuge mynen ingheseghell kentliken doen hanghen an
dessen breeff, de ghegheven is na Godes boerd dusent veerhundert neghen unde twintich, des
vrydaghes neyst deme sondage als men singhet in der hilgen kerken Letare.
Das Siegel ist abgefallen.
44*
373.
Schutz- und Trutzbündniss zioischen dem Häuptling Sybet von Ostringen und Rüstringen und den
Häuptlingen Imelo Beninga zu Grimersum und Imelo zu Emden.
Nach dem Orig. im Besitze der Gesellschaft für bild. Kunst etc. zu Emden. — Msc. A. 1, Fol. 260'. Msc. A. 15.
Msc. A. 28. Gedr. Harkenroht S. 256; Matthaeus S. 237; Brenneysen S. 50.
11. März 1429.
Ik Sybet hoefftling in Oestringen unde Rustringen enckenno unde betughe openbaer vor
allesweme in dessen openen breve, dat ik vor my unde myne rechte erffghenamen my leefliken
unde vruntliken hebbe ghesatet, bcvruntschuppet, vorbunden unde vorbynde jeghenwordich in
krafft desses breves myd den ersamen Ymelen to Grymerssum unde Hlerlte etc., unde Ymelen
to Emeden hocfftlingen, unde eren rechten erffghenamen to ewigen daghen in desser wys hur na
bescreven: Int eerste off jemand were bynnen off buten landes, Dudesch off Vresen, de düsse
vorscrevenen Ymelen unde Ymelen, off ere rechten erffghenamen overvallen wolde myd veyden,
myd last off anderer unrechter ghewallt in saken, daer sich de vorgescrevenen Ymelen unde
Ymelo off ere erffghenamen beden ere unde rechtes to blyvende, to untkenninghe gueder lüde
Dudesch off Vreesch unde en dan nyn recht wedervaren mochte, dan zö zall unde will ik Sybet
vorscreven unde myne rechten erffghenamen so wanneer ik daer to gheesschet werde van den
eerghenanden Ymelen unde Ymelen off eren erffghenamen myd allen den ghenen daer ik mechtig
byn, vorderlich, bystendich unde behulplick wesen, teghen de ghene, de alsodanne ghewallt unde
unrecht an de vorscrevenen Ymelen unde Ymelen off ere erffghenamen keren unde weren zoe lange
dat ik en ere unde rechtes helpen mach, dat zy binnen off buten Vreeslande ghelegen. Des
gheliken zö zolen Ymelo unde Ymelo vorscreven unde ere erffghenamen by my unde mynen
erffghenamen wedder doen, daer uns dat also gheleghen were. Item off ik de Ymelen unde
Ymelen vorscreven jenighe volghinge zolde doen myd mynen vrenden bynnen off buten landes,
dan zo zolen Ymelo unde Ymelo off ere erffghenamen alle voderinge unde unkost upstaen upp
der zulfften reyse van der tyt, dat ik off myne erffghenamen by en komen unde wedder van en
scheden. Des gheliken zö zall unde wyll ik Sybet unde myne rechten erffghenamen doen off
sich also ghevelle, dat Ymelo und Ymelo vorscreven off ere rechten erffghenamen myd eren
vrenden my off den minen vorghescreven jenighe volginge zolden doen bynnen off buten landes.
Desse vorscrevenen artikelen van woerde to woerden loven ik Sybet vor my unde myne rechten
erffghenamen den vorscrevenen Ymelen unde Ymelen unde eren rechten erffghenamen also en
gued kerstenmensche by myner ere stede, vast unde unvorbroken to holdene to ewighen daghen
sunder alle arghelist, unde hebbe des to tuge mynen ingheseghell kentliken doen hanghen an
dessen breeff, de ghegheven is na Godes boerd dusent veerhundert neghen unde twintich, des
vrydaghes neyst deme sondage als men singhet in der hilgen kerken Letare.
Das Siegel ist abgefallen.
44*