DOI Seite / Zitierlink:
https://doi.org/10.11588/diglit.1951#0724
714 -1409
\
12. Item alse Miszke claghed umme ene buzen vul beres, in der Greet ghenomen etc.,
dar Kene to antwordet, id were Hamborger gud, dar hefft he sik mit en umme vordreghen, und
hebben de van Emeden dar icht mede ghehat, dat hebbe he en ghenomen alse synen opembaren
vyenden; spreke wi vor recht: bewiset Kene ene entseghede veyde mit den van Emeden unde
briDged de to, alse recht is, so ne is he van ere weghene dar nichtes umme plichtich.
13. Item alse Kene in synem antworde int leste scrifft, alse allene dat he geantwordet
hebbe to Hiszken claghe in dessen vorscreven artickelen, doch so hope he, dat he der antwerde
nicht schuldich sy to donde, na deme dat dat compromisse clarliken inneholde etc.; spreke wi
vor recht: wo dat gedeghedinget und willekored is, unde alse nie dat mit deme compromisse
bewisen mach, dat id dorch recht dar billiken by bliven schal, na dem dat willekor alle
recht brikt.
Querele Harosis Idzerdei.
14. Item uppe ansprake und claghe Ennen van Norden unde Haren Idzerdes unde Kenen
antworde van dem Broke: tom ersten, alse Hare Kenen anclaghet, dat he eme ghelovet hedde,
dat slot in der Greed mit siner tobehoringhe eme weclder overtoghevende, wan de stede wedder
uth dem lande weren etc., unde alse Kene darto antwerdet, dat he der loffte unschuldich sy,
unde wat he eme ghedan hebbe, dat sy gheschen binnen ener opembaren veyde etc.; spreke wi
vor recht: Kene schal de unschult mit synem ede bewisen; bringet he ok to, alse recht is, wat
he eme ghedan hebbe, dat he dat ghedan hebbe in ener opembaren entsechten veyde, so en is
he ok eme dar vurder nichtes umme plichtich.
15. Item uppe alle claghe, de Enne van Norden deit van Osterhuaen und van der twier
Aylde wegen, van schattinge, van dotslaghe, rove, brande, in dorpen, landen, luden, erve iffte
gude, dat to Osterhusen hebbe ghehort, unde alse Kene darto antwerdet, wat Enne van der
weghene gheclaghet hefft, dat hebbe he mit eren ghedan und in opembarer veyde unde hebbe
sik ok des vor beward mit den sendeboden der stede und ok na, er wen he jenighen vrede
liden wolde etc.; spreke wi vor recht: kan Kene de veyde bewysen, alse recht is, des schal he
gheneten; kan Kene des ok vulkomen und bewisen mit den sendeboden und mit deme compro-
misse, dat id also sy, alse he an synem antworde scrifft, so en darff he dorch recht dar vurder
nicht to antwerden.
16. Item alse se claghet umme den man, den Kene schal uppe dat rad hebben ghelecht
laten, und alse Kene darto antwerdet, he lete eme don, alse eneme vorredere, alse he were, dat
he bewisen moghe etc.; spreke wi vor recht: kan Kene bewisen mit deme gherichte, dat he eme
recht gedan hebbe, so en is he dar nichtes umme plichtich; vulkumpt he aver des also nicht, so
schal he den doden dorch Gode und den vrunden beteren unde de vredebrake boten na rechte.
17. Item alse se claghet umme schaden, den Kene en ghedan hebbe in der borch to Pylsun
unde den buren darsulves und in der Greet und in der borch to Norden etc., unde alse Kene
darto antwerdet, wes an den borghen gheschen is, dat hebbe he gedan mit den steden mit eren
in ener opembaren veyde, dar en zone over ghan sy etc., unde ok, dat he Ennen nener claghe
to en sta van der bure weghene to Pylsun und in der Greet; spreke wi vor recht: bringet Kene
to, alse recht is, dat he dat in openbarer veyde gedan hebbe, so en is he van ere weghene dar
vurder nichtes umme plichtich; tughet he ok de sone, alse recht is, dat de Schicht ghesonet sy,
bo ne is he ok van rechte dar nichtes umme plichtich.
\
12. Item alse Miszke claghed umme ene buzen vul beres, in der Greet ghenomen etc.,
dar Kene to antwordet, id were Hamborger gud, dar hefft he sik mit en umme vordreghen, und
hebben de van Emeden dar icht mede ghehat, dat hebbe he en ghenomen alse synen opembaren
vyenden; spreke wi vor recht: bewiset Kene ene entseghede veyde mit den van Emeden unde
briDged de to, alse recht is, so ne is he van ere weghene dar nichtes umme plichtich.
13. Item alse Kene in synem antworde int leste scrifft, alse allene dat he geantwordet
hebbe to Hiszken claghe in dessen vorscreven artickelen, doch so hope he, dat he der antwerde
nicht schuldich sy to donde, na deme dat dat compromisse clarliken inneholde etc.; spreke wi
vor recht: wo dat gedeghedinget und willekored is, unde alse nie dat mit deme compromisse
bewisen mach, dat id dorch recht dar billiken by bliven schal, na dem dat willekor alle
recht brikt.
Querele Harosis Idzerdei.
14. Item uppe ansprake und claghe Ennen van Norden unde Haren Idzerdes unde Kenen
antworde van dem Broke: tom ersten, alse Hare Kenen anclaghet, dat he eme ghelovet hedde,
dat slot in der Greed mit siner tobehoringhe eme weclder overtoghevende, wan de stede wedder
uth dem lande weren etc., unde alse Kene darto antwerdet, dat he der loffte unschuldich sy,
unde wat he eme ghedan hebbe, dat sy gheschen binnen ener opembaren veyde etc.; spreke wi
vor recht: Kene schal de unschult mit synem ede bewisen; bringet he ok to, alse recht is, wat
he eme ghedan hebbe, dat he dat ghedan hebbe in ener opembaren entsechten veyde, so en is
he ok eme dar vurder nichtes umme plichtich.
15. Item uppe alle claghe, de Enne van Norden deit van Osterhuaen und van der twier
Aylde wegen, van schattinge, van dotslaghe, rove, brande, in dorpen, landen, luden, erve iffte
gude, dat to Osterhusen hebbe ghehort, unde alse Kene darto antwerdet, wat Enne van der
weghene gheclaghet hefft, dat hebbe he mit eren ghedan und in opembarer veyde unde hebbe
sik ok des vor beward mit den sendeboden der stede und ok na, er wen he jenighen vrede
liden wolde etc.; spreke wi vor recht: kan Kene de veyde bewysen, alse recht is, des schal he
gheneten; kan Kene des ok vulkomen und bewisen mit den sendeboden und mit deme compro-
misse, dat id also sy, alse he an synem antworde scrifft, so en darff he dorch recht dar vurder
nicht to antwerden.
16. Item alse se claghet umme den man, den Kene schal uppe dat rad hebben ghelecht
laten, und alse Kene darto antwerdet, he lete eme don, alse eneme vorredere, alse he were, dat
he bewisen moghe etc.; spreke wi vor recht: kan Kene bewisen mit deme gherichte, dat he eme
recht gedan hebbe, so en is he dar nichtes umme plichtich; vulkumpt he aver des also nicht, so
schal he den doden dorch Gode und den vrunden beteren unde de vredebrake boten na rechte.
17. Item alse se claghet umme schaden, den Kene en ghedan hebbe in der borch to Pylsun
unde den buren darsulves und in der Greet und in der borch to Norden etc., unde alse Kene
darto antwerdet, wes an den borghen gheschen is, dat hebbe he gedan mit den steden mit eren
in ener opembaren veyde, dar en zone over ghan sy etc., unde ok, dat he Ennen nener claghe
to en sta van der bure weghene to Pylsun und in der Greet; spreke wi vor recht: bringet Kene
to, alse recht is, dat he dat in openbarer veyde gedan hebbe, so en is he van ere weghene dar
vurder nichtes umme plichtich; tughet he ok de sone, alse recht is, dat de Schicht ghesonet sy,
bo ne is he ok van rechte dar nichtes umme plichtich.