Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

Sheet: 50
DOI Page: Citation link: 
https://digi.ub.uni-heidelberg.de/diglit/drwOstfrUrkunde1881/0058
License: Public Domain Mark Use / Order
0.5
1 cm
facsimile
50 1473.

und bitte ehm, dat he ininen sonen Jken und mine hausfrouwe Binlip bystandt do ahn ere und
recht, alss ick bi sinen vadcr und freunden faken hebbe dan mit live und gude; und weret
saecke, dat min soene Ike aflivich worde, dar Godt vor slj, und neue erve nalate, so schall Juncker
Ede hebben Knipense. Item so gevo ick 30 grase landes to Ackum tho sunte Thomas altar, dar
Ede Her Gaicken heft. Item tho sunte Wilhadusbuwe hundert stucke goldes. Item so geve ick
en timpade span tho Oistringefelde. Item dat ander tho Senwarde. Item so geve ick dem kerck-
hern, de komen tho miner graft enen jewelicken einen golden Hinsehen gülden und den vicarius
einen Arn.1) gülden. Item tho Ackum minen pagen als ick ehm plach tho ridende. Item tho
Fedderwerde 10 Hinsehe gülden in gude. Item broder Gerdt 2 Postulatsgulden tho Jehver. Item
broder Hinrick 2 Post, gülden. Item broder Berendt 1 Post, gülden. Item in de kalandt tho
Jever 8 Arn.1) gülden. Item up den Sande en koe. Item tho Borden enen R. gülden. Item tho
Sedick enen Rinschen gülden. — Item so geve ick Bindlip all dat schmide, dat se heft, dat ick
lavede eren broder seligen Alken, vor her Pocken, Dodo, Sappen und Fulqua hern, ehr se tho
ini quam. Item Binlip schall beholden hundert gülden Kinschgulden, dar unse beyde guder sint,
und schall daraf besorgen unsen oldern seelen und unse egen seien. Item den gordell, de uth
Senenworde kereke quam, gaf selige Alke Binlip halff und ick Lubbe halff. Item so geve ick
Binlip den gordell, de ihn Butyaden koft wort. Item so geve ick besunderges Binlip 40 grase
landes tho ehre lifftucht, dar Hinrick Wilkens up sidt. Item so neme ick dat up mine sele und
leste hennefarth, dat ick van sauge Renoldes gude nicht hebbe beholden, men ehn hoch span.
Item so geve ick Houwa enen gülden rinck und wat min sone ehr untheten heft, dat schall er
woll holden werden, na ßinlippes rade. Item dat halve erve tho Jathusen gaff my grote Onneke,
und dat halve iss min moderlike erve. Item dat erve, dat Peke Lubben heft, is min vaderlike
erve sunder alle ansprake. Item de 20 juck landes, dar Punst up claget, ist min vederlike ge-
geven und geerfte erve. item de 2 juck, dar Hysck up claget mit unrechte, is min vaderlike
erve. Item Sachs Hinricks erve, dat min vader geven was, schall bliven bi den hilligen; wess
dar nicht by is, scholen de hilligen man uthiuanen, und minekinder scholen dar nicht up spreken.
— Item so hebbe ick dit testament ihn miner kranckheidt so vorramet, alss ick vaken hebbe ge-
sproken mit geistlichen und werltliken in miner suntheidt und dat dat testament warhaftich und
rechtferdich is unde schall wesen, so hebbe ick frundtliken angeropen und gebeden, desse ere-
benomeden mine testamentores, dat jegenwordige testament helpen tho betugende und tho sterekende,
und in siner vuller macht tho blivende, den wi umme siner bede willen so gedaen hebben, und
hebben des tho mer getuchenisse und orkunde der warheidt unse rechte ingesegel witliken han-
gen laten bynedden dusses testaments. Datum ut supra.

Das jegenwertige copey mit dem rechten original uff pargatnen geschriebenen undt mitt funff
siegeln bekrefftigten testament von mir undtenbenendten offenen kay. uotarren vleissich collationirt undt
von wortt zu wortt gleichlauttendt befunden, uhrkimde ich mit dieser meiner eigenen haudt undt
nähme nsundterzeiclmus.

Thomas Preuser

manu propria.

s) Die Urkunde bat aip.
loading ...