503

wissen particularaustzug und lantern underricht übergeben, wo und
bey weme soliche geltremanentz lig, was er davon in das ander jar
zn allerlay abtzalungen gebraucht oder noch zu haben bedürftig.
Item warumben er die ambtsschnlden nit einziech nnd das gelt auf
die chamer erlege.

Man soll auch sonderlich auf das guet aufsehen haben und achtung
geben, damit die ambtleuth und steureinbringer nit die remanentzen
vom vergangnen jar mit dem einkomen des gegenwertigen jars abt-
zallen, sonder das sy ain yedes jar abtzalung thuen, mit dem gelt,
so darynnen gefallen und darinnen gehôrig ist und nit ains an das
ander hengen, also auch sovil müglich verhiieten, damit die ambt-
leuth, steureinbringer und andere nit in hinderstelligkait und wir in
verlust wachsen.

Item man soll inen zum hôchsten einpinden und bevelchen, dass
sy aile schulden fürderlich und fleissig einziehen, nicht ansteen lassen,
noch verlorn schulden machen.

Item, das sy uns in unser chamerguett nit greiffen, bey schwerer
straf und entsetzung irer ambter.

Welliche ambtleuth aber ire remanentzen nit betzallen oder da-
rumben gnuegsam gegründten underricht nit geben, dieselben ambt-
leuth und schuldner sollen durch unsere camerrate mit ernstlichen
mittlen und wegen zu der betzalung gehalten werden.

Wann auch die raitungen allerdings erledigt und beschlossen sein,
so solle unser chamersecretari sonderwar die haubt und andere
summa und summarie im chamerrath fleissig, ordenlich und gerecht
einschreiben, auch dieselben einschreiben mit unsern chamerrâthen,
damit die gerecht seyen, collationieren und guet ordnung in dem
und allem andern halten.

Nach ordenlicher beschlossner raitung soll unser chamersecretari
ainem yeden ambtman, so er in seiner expédition hat, ainen orden-
lichen und gebreuchlichen raitaustzug mit einfuerung der schuldigen
remanentz fertigen, derselb soll durch unsere chamerrate und den
chamersecretarien underschriben werden.

Dergleichen soll auch unser chamersecretary in den verschlossnen
câsten und gewelben die raitungen und hiertzue gehôrigen quittungen
etc. wolverwarth fleissig behalten, versorgen und in gueter richtiger
ordnung halten.

Unsere chamerrâthe sollen auch neben den raitungen unsern
oborambtleuthen bei iren pflicliten fleissig zuesprechen und ver-