DOI Seite / Zitierlink:
https://doi.org/10.11588/diglit.1951#0044
36 1474.
938.
Testament fies Aild Beninga, Propstes zu H'tnte und Häuptlings zu Grlmersum.
Orig. Perg. im Archive der Gesellschaft für bildende Kunst etc. zu Emden, Nr. 51.
Auf der Burg zu Orimersum 9. Oktol/er 1474.
In nomine Domini. Amen. In deme jare der boert Christi unses Heren als men schreef
dusent vierhundert veer unde tseventich, des dages Dyonisii martiris, was personelyken unde
yegenwoerdicli voer my licer Memmo, tho Grymersum karckheer, de erbaer unde beschedene
man Aylt Beninga, provest to Hinte unde hoeftlinck tho Grymersum, in jegenwoerdicheit des eer-
samen heren her Jacobs prebendati, heren Sunneken kappellani, Ulbet Yelden unde Eggen
Doden, toe Grymersum voerg. buermans, tuegesluedc daer Sonderlingen to genomen unde geropen,
up der boreli to Grymersum voerg. So was de erbaer Aylt Boninga vorg. overdenckende unde
betrachtende de wysheyt unses dodes unde de unsekerheyt de tijt des dodes, wal was he nicht
starck van lyve, doch was he syner vorstantenisse, redelyckheit unde sinne, up dat Aylt voer-
benoempt nicht en storve sunder testament unde syner nagelaten goederen schicknisse wolde
maken, unde makede in myner yegenwerdicheyt synen lösten willen unde testament. Int eerste
Aylt voerg. ene protcstaeicn unde bewaringhe: wcert sake, dat dit nabeschreven testament en
mochte neuen voertganck hebben, als men schritt in den rechte „jure testament!"', so scliolde id
allykewoll doegen unde vullentoegen weerden ,.jure codicillorum" ofte ,.iure donacionis causa
mortis" ofte „iure donacionis inter vivosu, waeruinme de eerbaer Aylt testator vorg. heft dit
thegenwoerdyghe testament na der besten wyse, formen unde schiekenisse maket, als men dat
alderbeste schall unde mach maken, up dat syn leste wille to syner salicheyt werde vullenbracht,
unde wolde dat nemant van zynen erfnamen scholde straffen. Int eerste als de erbaer Aylt voerg.
hadd bevolen Gad van hemmelryke, Maryen syner leven moder unde allen Gades hillygen syne
seien to vervrouwcn unde der eerden synen lychaem, so gaf Aylt, provest unde hovetlinek voerg.,
to unser leven Vrouwen altaer to Grymersum twintich grase landes, ethlandt, tillandt unde meet-
landt. Item eyn hues, dat steyt up Bollynghe warven mit 4 melken koen, de schal de ene
preester alle tijt overleveren, want he van daer vaert ofte vorstarvet, enen anderen de up dat leen
kumpt, stedes to brukene unde voer de seien to bidden. Item so heft Aylt voerg. unser leven
Vrouwen geven eyn krönen up eer hoeft, de steyt vyf unde veerticli Aernsgulden. Item eyn
missekleet unde eyn kelck mit der patenen, de staet voer vyftehaif styge Aernsgulden. Desse
voerg. gifte unde schickinghe heft Aylt voerg. unde Hymbe syn huesfrouwe salyger dechtenisse
to der eren Gaedes unde syner leven moder Marien saemptlyken geven unde getueget. Unde
desse voerg. prebende schal van nemande sunder allene van der borch to Grymersum weerden
vorlenet. So schal hebben de karckheer unde syne nakomelinghe ewelyken to bruken tue melke
koeyen. Item gaf he den kloesteren van den veer bidden broderen enen itlyken kloester enen
Rinsgulden. Item de susteren to Reyde enen Postulatsgulden, Item de susteren to Dyckhusen enen
golden Postulatsgulden. Item sunte Johannes to Wirdum enen golden Rinsgulden. Item den
susteren to Alandt enen golden Post, gülden. Item so schal Ilebrich, syn dochter, hebben van
der borch Grymersum dre styge grase landes to Plechwart belegen. Item dre styge grase to
938.
Testament fies Aild Beninga, Propstes zu H'tnte und Häuptlings zu Grlmersum.
Orig. Perg. im Archive der Gesellschaft für bildende Kunst etc. zu Emden, Nr. 51.
Auf der Burg zu Orimersum 9. Oktol/er 1474.
In nomine Domini. Amen. In deme jare der boert Christi unses Heren als men schreef
dusent vierhundert veer unde tseventich, des dages Dyonisii martiris, was personelyken unde
yegenwoerdicli voer my licer Memmo, tho Grymersum karckheer, de erbaer unde beschedene
man Aylt Beninga, provest to Hinte unde hoeftlinck tho Grymersum, in jegenwoerdicheit des eer-
samen heren her Jacobs prebendati, heren Sunneken kappellani, Ulbet Yelden unde Eggen
Doden, toe Grymersum voerg. buermans, tuegesluedc daer Sonderlingen to genomen unde geropen,
up der boreli to Grymersum voerg. So was de erbaer Aylt Boninga vorg. overdenckende unde
betrachtende de wysheyt unses dodes unde de unsekerheyt de tijt des dodes, wal was he nicht
starck van lyve, doch was he syner vorstantenisse, redelyckheit unde sinne, up dat Aylt voer-
benoempt nicht en storve sunder testament unde syner nagelaten goederen schicknisse wolde
maken, unde makede in myner yegenwerdicheyt synen lösten willen unde testament. Int eerste
Aylt voerg. ene protcstaeicn unde bewaringhe: wcert sake, dat dit nabeschreven testament en
mochte neuen voertganck hebben, als men schritt in den rechte „jure testament!"', so scliolde id
allykewoll doegen unde vullentoegen weerden ,.jure codicillorum" ofte ,.iure donacionis causa
mortis" ofte „iure donacionis inter vivosu, waeruinme de eerbaer Aylt testator vorg. heft dit
thegenwoerdyghe testament na der besten wyse, formen unde schiekenisse maket, als men dat
alderbeste schall unde mach maken, up dat syn leste wille to syner salicheyt werde vullenbracht,
unde wolde dat nemant van zynen erfnamen scholde straffen. Int eerste als de erbaer Aylt voerg.
hadd bevolen Gad van hemmelryke, Maryen syner leven moder unde allen Gades hillygen syne
seien to vervrouwcn unde der eerden synen lychaem, so gaf Aylt, provest unde hovetlinek voerg.,
to unser leven Vrouwen altaer to Grymersum twintich grase landes, ethlandt, tillandt unde meet-
landt. Item eyn hues, dat steyt up Bollynghe warven mit 4 melken koen, de schal de ene
preester alle tijt overleveren, want he van daer vaert ofte vorstarvet, enen anderen de up dat leen
kumpt, stedes to brukene unde voer de seien to bidden. Item so heft Aylt voerg. unser leven
Vrouwen geven eyn krönen up eer hoeft, de steyt vyf unde veerticli Aernsgulden. Item eyn
missekleet unde eyn kelck mit der patenen, de staet voer vyftehaif styge Aernsgulden. Desse
voerg. gifte unde schickinghe heft Aylt voerg. unde Hymbe syn huesfrouwe salyger dechtenisse
to der eren Gaedes unde syner leven moder Marien saemptlyken geven unde getueget. Unde
desse voerg. prebende schal van nemande sunder allene van der borch to Grymersum weerden
vorlenet. So schal hebben de karckheer unde syne nakomelinghe ewelyken to bruken tue melke
koeyen. Item gaf he den kloesteren van den veer bidden broderen enen itlyken kloester enen
Rinsgulden. Item de susteren to Reyde enen Postulatsgulden, Item de susteren to Dyckhusen enen
golden Postulatsgulden. Item sunte Johannes to Wirdum enen golden Rinsgulden. Item den
susteren to Alandt enen golden Post, gülden. Item so schal Ilebrich, syn dochter, hebben van
der borch Grymersum dre styge grase landes to Plechwart belegen. Item dre styge grase to