Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0310
Overview
loading ...
Facsimile
0.5
1 cm
facsimile
Scroll
OCR fulltext
302 1389.

schrevenen wysse besloetenc, so dat de upghenanten juncheren Alff, Johan unde Kersten, ghe-
brodere unde greven vorg., uiurae sunderghere thovlucht unde fruntschup, se tho uns Hero,
ritthere «nde here vorg, haddene unde ytzundes hebbene, de edelen unde wolgheboren ere
sunderlingx leve susstere, frouwchene Ermgarde tho Oldenborch unde*) Delmenhorst dochtere, uns
thogesacht, ghelavet unde to der ee na schickynghe des almechtighen Gades gantzliken thoghe-
slaghen hebben, myt ghewontliken unde unstraffeliken clenoden unde klederen, unde daertho dre-
dusent Rynsche güldene, so datz de «pghenante grevene unde broderen twusschen datum desses
recesses unde lichtmysseh8) erstkomene schoelen unde willen uns Hero, rittere vakenben., enkede
tyt unde stede vorwytliken offte vastliken thoschryvene, daer wy de ersten twedusent Rynsche
güldene toer noeghe leiffliken untfanghen schoelen, unde daerna ame manthe offte twe meere
offte myner de vorbenomde frouwchen an unsene landene unde ghebeden tho brynghene, welkent
denne by dene vorg. grevene unde broderen staen unde macht wesen schal, dat me denn up der-
sulfften stede unde tyt, daer men de twedusent Rynsche güldene overantwordt, oversprekene unde
vurdere beteken schall, wanneere sulke vortruwynghe unde inbrynghent schal zyn; ock denne
furdere tho dersulven tyd unde stede over tho tracteren unde vorhandelen umme de eynedusent
Rynsche güldene, de naestendich denne blyvene, des de grevene unde broderen ereghenompt eyn
jaer daerna der betalynghe der twyer dusent Rynscher güldene vorgheroert scholen dult unde
vryst hebbene unde vorwyssynghe offte ghelovene overmits gheloffliken borgheren, daer wy Hero,
rittere vorg., ghenoeghe an hebbe, tho donde. Hyrupp schall unde wil wy Hero, rittere vorghe-
nompt, der vylghen. frouchene Ermgarde dochtere voirg. alle yaere hundert Rynsche güldene
tho ereme unde erene juncfrouwene behoeff offte clenode tho hulpe ghevene, welkent tho erer
morghenghave beredet unde ghededynghet is. Furdere is overmyts dene beydene parthene vorg.
beredet unde vasteliken bespraken, offtsickna schyckynghe edder wyllene des almechtighen Gades
vorlepe, dat wy Hero, rittere unde here tho Eszenszen etc. vorghen., overmits dode voer ere vorvelle,
dat God affkere, undewydennethosamptneyneervenen hadden, denne schal de vorbeu.vrouchenErm-
gardtz dochtere vorgh. uth demesulfften lande eerbenomt unde ghuderen veerdusent gholden Rynsche
güldene wedder hebbene, entfanghen unde tho ereme wyllen sunder yenich indracht rastliken unde vrede-
sam van daer brynghene, unde dewyle se sodanne vorg. veeredusentRynscheghuldenenichtuntfanghen
hefft, mach unde schal se syck holdende unde hebben an de upgen. sloete unde borghe, lande unde
luden, sundere jemendes weddermoet, beth so langhe se der vorg. veerdusent Rynsche güldene
guede betalynghe hefft, unde des scholen unde wyllen wy Hero, rittere tho Eszensze etc., ere
eynen openen noethafftighen beseghelden brieeff de upgen. greven unde broderen vorg. tho be-
hoeff erene lievene susstere baveubenompt na ghuder vorwarynghe unde in der besten formen
unde wysze, alz men den maken mach, daeruppe ghevene. Ock so wyllene unde schoelen de
vorg. beyde parthene de eyne dorne anderen bystand, hulpe unde trost myt lande unde luden
doen, unde in synen noedene nicht tho vorlatene, daer de eyne des anderen tho rechte mechtich
is, na furderem inholde der vorbundebreve. Alle desse vorghescrevene stocke, articlen unde
punthen syn van den beyden parthen vulborth believet, besloten unde bewillekorth by pene veer-

*) Orig. under.

a) 2. Februar 1490.
 
Annotationen