Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0369
Overview
loading ...
Facsimile
0.5
1 cm
facsimile
Scroll
OCR fulltext
1492. 361

irboide behalven den bissehup vorgeschreven vorschriven unde ok mechtich wesen schall na data
dusses breves, so dat deme jo nicht batlick sin mochte, unde darboven unse lande, lüde, slote
efte veste belehde, insoichte, overfelle, edder anderen Unwillen ane veidcn ofte schaden deden,
denne willen wy unde schullen van stund dessulven bisschuppes unde alle derjennen, de sinen
gnaden jegen uns in siner hulpe edder dar buthen sind, alze vorgeroret is, volge, todath efte
jennigerleie wis vorderinge deden, vigent werden unde vigentliken doin, vord unse undersaten up-
beiden unde unser eyn dem anderen sine lande unde lüde entsetten, reddende unde na alle unsem
vormoge vlitige hulpe to doinde; forder oft unser eyner van uns vorben. sunderge schelinge edder
tosage nach der vordath to deme genanten bisschupe hedden, dennen nichtdemyne uns vorplichten,
des degere unde gans by eynen tho bliven, alsse dat ok allreide was Iatest to Minden dorch de
ernwirdigen, irluchtigen, edellen unde wolgebornen heren, forsten, graven unde juncheren ame
mandage na Cantate negest Vorscheinen') besloten unde to holdende gelevet ward, unde nu sun-
derges vorniget; ok schall unde wil unser eyn buthen des anderen weten, willen unde fulbort
mit deme genanten bissehup to Munstere ofte sinen hulperen nicht handeilen, sonen noch sich
verdragen; ok oft wy winste edder bäte, wur wy de unse samptligen heÜden, vorworven efte kregen,
willen unde schullen wy uns na twier van beiden parthen der unsen irkantnisse des gutligen under
anderen vorliken. Lehnde averst unser eyner dem anderen ruthere edder lüde to voithe unde
to perde, wes nuthe edder vordeili darmede worde vorworven, schal bliven unde sin demjennen
se gelehnet sindt; unde oft schade, hinder edder jenieh gebreck darane velle unde qweme, schollen
unde willene eyne ider parth den sinen hebben unde stan; ok oft clockenslach edder eyne ge-
meyne ruchte worde, denne schall unde wil unser eyner mit der macht deme anderen uppe de
jacht to tröste, hulpe unde tom besten komen; oft in der jacht God almechtich winste unde vor-
dell gevene, denne sollich winste thosamende nethende unde to hebben; ok schullen unde willen
wy unser eyn des anderen froinen unde beste raden unde vorwitligen, schaden, hinder unde arch
warnen unde na allem vormoge afwenden. Dusser vorbunt unde vorplichtinge, alze vorgeschreven
steid, loven unde sweren wy Edzardt unde Uke gebroidere, grevene vörbenompt, Aleffe unde
Johanne, ok gebroideren unde greven eirgedacht, mit uthgestreckedenn unde upgelechten fingeren
dusses breves stavedes eides to den hilgen stede unde vast sunder jeningerleie argelist, hulperede
noch intoch gansligen to holdene; welkes vorbundes unde vorplichtinge, so vorgeroret is, twe
breve gemaket sind, allike eynes ludende, de eynen parth deme anderen vorsegelt; so hebben
wy Edzardt unde Uke, gebrodere unde greven vakengenomet, unsse rechte ingesegelle witligenn
an dussen breif heten hangen, de gegeven, vorsegelt, gansligen besloten unde vultogen is ame
avende Jacobi apostoli, na Cristi uusers leven Heren gebort veirthe in hundert, ime twe unde
negentigesten jaren.

Siegel: 1. Wappenschild mit der Harpyie und 4 sechsstrabligcn Sporenrädern. Gekrönter Helm
mit Lilie. Spruchband: S. Ediardi comitia Phrisie Orientahs. 2. ebenso, aber die Harpyie ist von
4 fiinfstraliHgen Sternen begleitet. Spruchband: 3. Ukoois comitis Fhhtie Orientalis.

V 21. Mai.
 
Annotationen