Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0404
Overview
loading ...
Facsimile
0.5
1 cm
facsimile
Scroll
OCR fulltext
396 1493.

by den ersamen rad tho Groninghen beschigken unde legghen, dergeliken willen unde scholen wij
borgermeistere unde rathmanne der stad Haraborch enen breff by uns wesende, ludende uppe de
erbenanten slothe unde stad unde van zelighen jungkheren Olricke, deaser genanten greven vader,
vorsegelt,1) ok bynnen sulke baven bestymede tijd beschigken unde legghen by de genanten von
Groninghe, uns doch unsehedelick unde unvorfengklick quade eventur, de an sulke breve mochten
kamen; welker beyden breve so langhe by den von Groninghen scholen berouwen, beth dat wy
Edzard unde Uko, unse erven edder nakomelinghe, de latesten penninghe der teyndusend Lube-
sche margk, in den hovetbreven von wegen der erben, vordracht bestymmet, deger unde all
hebben gegulden unde betalet. Wanner denne sulke betalinghe der latesten penninghe is gescheen,
offt wanner wy by den von Groninghen edder anderswor, dar das de von Hamborch eyn be-
nogend hebben, sulken geloven hebben geinaket unde gedan, dat sulke teyndusend Lubessche
margk uppe sulche jar unde termyne im hovetbreve bestymmet, von den genanten greven wol
gegulden unde betalet scholen werden, so scholen unde moghen de von Groninghen sulken breff
von uns by se gelecht deme rade tho Hamborch, unde sulken breff von uns von Hamborgh by
se geleeht den genanten greven sunder jenighe insaghe weddergbeven unde averantwerden. Weret
ok sake, dat de breve by den von Groninghen so langhe solden bliven beligghen, beth de latesten
penninghe von uns graven weren gegulden unde denne er der gantzen betalinghe gebreke daran
geschegen, denne scholen unde moghen de von Groninghe sulke breve, vom rade von Hamborch
by se gelecht, demsulven rade von Hamborch sunder alle argelist wedder ton handen lathen
komen, unnd ok de breff von den greven by se gelecht schal densulven greven ok wedder ge-
handrecket werden dergeliken. Alle vorschreven stucke unnde artikell in desseme breve begrepen
laven wy Edzard unnde Uko graven erben, vor uns, unse erven unde nakomelinghe, unnde wy
borgermeistere unnde rathmanne der stad Hamborch erben, vor uns unde unse nakomelinghe
stede, vast unde unverbroken wol to holdende. Tho merer tuchnisse hebben wij Edzard erben,
vor uns, unse erven unde nakomelinghe, unse egenen, unde wy Uko vor uns, unse erven unde
nakomelinghe datsulve unses broders ingesegell, des wy nu hyrto gebruken, wente wy Uko nu
tor tyd neyn egenen ingesegell en hebben, unnde wy burgermeistere unnde rathmanne der stad
Hamborch vor uns unnde unse nakomelinghe unnser stad ingesegell witliken an dessen breff
hethen hengen, der twe sint eynes ludes, eyn by uns graven, unnde de andere by uns van Ham-
borgh is in vorwaringhe. De gegeven unnde gescreven is nach Cristi gebord unnses Heren vier-
teinhundert im dre unde negeittighsten jar, ame sonnavende na Reraigii.

Die Siegel sind gut erhalten.

*) Vergl. die ürk. Nr. 658 und die vom 14. Mai 1494.
 
Annotationen