DOI Page / Citation link:
https://doi.org/10.11588/diglit.1951#0448
440 1493.
1427.
Bericht des Dietrich, Dieners des Grafen Edzard, an seinen Herrn über einen beabsichtigten Land-
ankauf des Klosters Esens und die-Streitigkeiten Hero Omkens und Edo Wienikens.
Orig. Pap. im Grosßherzogl. Archive zu Oldenburg.
Emden, IS. Februar i49o.
Deme eddelen unde wolgheboernen heren Edzarde, tho Oestvreslande graven, syuen gnedigen
leven heren, denstliken ghescreven.
Mynen schuldighen unde behorighen denst. Eddele wolgheboerne gnedige leve here. Her
Johan van Duten, juwen gnaden kappellaen, heft mij borichteth, wo Ludeke van Duten, Hernien
Goltsmyt, Johan Rolefs van Meppen, hadden gheteert myt den prior van Ezenze, de nu bynnen
3 dagen van Emeden na Groningherlande ghereiset is, seggende he myt eneme herschuppe in
der Merne, daer dat cloester tho Ezense enen groten part Iandes liggen hevet, een deel des landes
scheelachtieh is, deme sulften herschuppe hee synen deel ume vredes willen wulde afkopen, unde
was to merken, hee uppe een gülden of dusent bij sijck hebben solde, wes des buten mij etc.
unde anderen worden hadden de vorbunten juwer gnaden borgere ghefraget van den handel
Hero Omkens unde juncher Eden, Yken unde Folefs halven etc.; antwordende, ick hebbe mijt
Hero Omken worde na der daet daeraff gehatt, unde sede oft juwe oehme sijck in de sake mede
wulden strecken, wo sick dan geboren solde; daerup Hero Omken solde geantwordet hebben:
„wij kroden uns nicht wes unse leven oehme mijt eren undersaten doen, hebben se doch mijnen
broder 4 dorpe nomen, angeseen he eme nicht horsam of underdanich wesen wulde, so hebben
wy ock desse nu gedaen, wes willen see syck daer ock an strecken, wes wy mijt unsen under-
saten doen." Ock forder hadde hee gesecht, dat Her Omken solde gesecht hebben: „de stede
synt uns nicht wol wegen ume derjenen willen, de eme er guet tor sewert nemen. Nu hebben
wij gescreven an de stede Lübeck unde Haraborch etc., wij hebben nu dejenen in unsen hechten
sittene, de juw dat juwe dagelix tor sewert nemen, willen gij see, nu hebben wij willen se juw
leven waer gij dee hebben willen tho juwer begerten" etc., dijt Hermen Goltsmijt, Ludeke van
Duten unde Johan Rolefs wol willen staen, see sodaen van den prior hebben gehoert, gheve ick
juwer gnaden denstliken erkennen, uth underrichtinge her Johans van Duten, oft ock de prior
enen anderen wech forder dencket tho reisene unde de Merne sij dat wort, twyvelen de lüde
seer an, daerupp juwe gnade mytten besten mach irdencken, de welke vilgen. gnade Gode
almachtich tho langen heylsamen tijden sij bevalen in gesunder geluckigher walvaert. Datum
Emeden, ame sondage na Valentini, anno XC° quinto.
Diricus, juwer gnaden dener.
1427.
Bericht des Dietrich, Dieners des Grafen Edzard, an seinen Herrn über einen beabsichtigten Land-
ankauf des Klosters Esens und die-Streitigkeiten Hero Omkens und Edo Wienikens.
Orig. Pap. im Grosßherzogl. Archive zu Oldenburg.
Emden, IS. Februar i49o.
Deme eddelen unde wolgheboernen heren Edzarde, tho Oestvreslande graven, syuen gnedigen
leven heren, denstliken ghescreven.
Mynen schuldighen unde behorighen denst. Eddele wolgheboerne gnedige leve here. Her
Johan van Duten, juwen gnaden kappellaen, heft mij borichteth, wo Ludeke van Duten, Hernien
Goltsmyt, Johan Rolefs van Meppen, hadden gheteert myt den prior van Ezenze, de nu bynnen
3 dagen van Emeden na Groningherlande ghereiset is, seggende he myt eneme herschuppe in
der Merne, daer dat cloester tho Ezense enen groten part Iandes liggen hevet, een deel des landes
scheelachtieh is, deme sulften herschuppe hee synen deel ume vredes willen wulde afkopen, unde
was to merken, hee uppe een gülden of dusent bij sijck hebben solde, wes des buten mij etc.
unde anderen worden hadden de vorbunten juwer gnaden borgere ghefraget van den handel
Hero Omkens unde juncher Eden, Yken unde Folefs halven etc.; antwordende, ick hebbe mijt
Hero Omken worde na der daet daeraff gehatt, unde sede oft juwe oehme sijck in de sake mede
wulden strecken, wo sick dan geboren solde; daerup Hero Omken solde geantwordet hebben:
„wij kroden uns nicht wes unse leven oehme mijt eren undersaten doen, hebben se doch mijnen
broder 4 dorpe nomen, angeseen he eme nicht horsam of underdanich wesen wulde, so hebben
wy ock desse nu gedaen, wes willen see syck daer ock an strecken, wes wy mijt unsen under-
saten doen." Ock forder hadde hee gesecht, dat Her Omken solde gesecht hebben: „de stede
synt uns nicht wol wegen ume derjenen willen, de eme er guet tor sewert nemen. Nu hebben
wij gescreven an de stede Lübeck unde Haraborch etc., wij hebben nu dejenen in unsen hechten
sittene, de juw dat juwe dagelix tor sewert nemen, willen gij see, nu hebben wij willen se juw
leven waer gij dee hebben willen tho juwer begerten" etc., dijt Hermen Goltsmijt, Ludeke van
Duten unde Johan Rolefs wol willen staen, see sodaen van den prior hebben gehoert, gheve ick
juwer gnaden denstliken erkennen, uth underrichtinge her Johans van Duten, oft ock de prior
enen anderen wech forder dencket tho reisene unde de Merne sij dat wort, twyvelen de lüde
seer an, daerupp juwe gnade mytten besten mach irdencken, de welke vilgen. gnade Gode
almachtich tho langen heylsamen tijden sij bevalen in gesunder geluckigher walvaert. Datum
Emeden, ame sondage na Valentini, anno XC° quinto.
Diricus, juwer gnaden dener.