Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0453
Overview
loading ...
Facsimile
0.5
1 cm
facsimile
Scroll
OCR fulltext
1495. 405

berghe, Ubben scryvers hus, si ghescheden, bäven dat he dair nichdt udt tho scheden hebbe
ghelavedt, idt en were dann ersdt mydt juwer leffthen wethen unde willen, deme jhodoch szo
nichdt gheschen eyn sy etc., juwer leffthen seryffthen idt mydt meren inhollden, wairop wy
frundtlinghe dess genompdten Follephes ghefoghen juwer leffthen wethen, wo en sodans nichdt
mydt Folleffs wyllen is gheschenn, dann wy Follephe, onnssen vedderen unde frunde, mydt ghe-
waldt unde machdt van Jever ghenamen udt Ubben scrivers hus unde dat dorch sonderlinx ons
dartho gheengedt unde gedronghen heffdt, alls juw Iefften udt dessen imghellachten scriffthen de
menynghe woll irfaren wordt, unde ock furter Follephe im niynes gnedighen leven heren, heren
F.dtzardes, graven to Ostfreslande, hande hebben lathen laven unde sweren unde on ock nichdt
willen vorstaden wedder in tho holden, amgesen Follephe nichdt ghellden wordt onen ghelavedt
is van juwer leffthen, er he juw leffthe voirstadede, mydt eme op Irabusen tho reysende j unde
furtir ock als juwe leffthe berorende is im juwen scriffthen, edt en sy dann he nicht wedder ira-
holde ghedencke gy one tho vorscryven ante heren, forsthen unde ghude mannen, wyllen wy one
ock vormoghen unde mechtich zyn, gyn reehdt unde onrechdt dar ock by tho vorhliven; furtir-
mer ock alls byredt is im den imgelachten seryffthen de prior van Ezense geseehdt hadde to
Emden, wo Her Omeken geseehdt hadde her Edtzardt synnen broder junckher Ollricke 4 dorphen
genomen hedde etc.,') irfindt sych szo nichdt mydt Knipensen unde Imhussen, allst sych mydt
Olldersum, wendt idt van mynen gnedigen leven heren tho vorlenende is, unde alls he dan fillichte
is onhorsam geworden synen rechten leuheren is, dann fillichte ensodans darombe gheschen, wellck
Follf ne gedan en hefft, unde dairaver noch synnen de ondersaten junckher Ollrickes amgefallen
heren Edtzarde, bigerende van syner gnaden, se tho vordedingende ghellich syner gnaden onder-
saten etc., jhodoch is noch Follephe ghehollden mach werden szo ome van juwer leffthen ghe-
lavedt, alls byholldtlichen syner bSrch, herlicheydt, erve unde ghudere, szo se eme syn vader
millder dechtnisse gheervedt heffdt, schall sich Folleff .... dann gheborlieh ame hebben, unde
mach deme averst so niebdt gesehen, ghedencken wy (idt) heren, forsten unde guden mannen
tho klagende, unde dar indt latest nichdt medde tho lyddende, amgesen he idt nichdt vorbordt
hefft jeghens juwer leffthen, men so ongelimplichen mydt on schall ombeghahen; bigeren des
juwer Iefften oprichtige bescreven andtwordt wedderombe. Screven ame sondage Letare.

Haro tho Mydd eist were,
Udde thor Kaldeburch unde Heytedt Metsen,
^ sampdtlichen mydt onsen frunden.

1432. ») Vergl. Nr. 1427.
 
Annotationen