DOI Page / Citation link:
https://doi.org/10.11588/diglit.1951#0492
484 1493.
Iatesten hevet besproken, unde nuw myn oem Ede in Rustringen, de dair eyn recht arffgename
to weer gewesen, dat ock alszo bevestet hefft in synen Iatesten, szo ock syn nagelatene dochter
ock des8ulfften gelyken gedaen hefft, sust is my de borch Knypensen szo bovengenant van Iken
vader milder dechtnisse unde darneist van den rechten arven upgelaten unde gegeven, wente sze
my doch van rechte boerde, szo Binlop, Iken moder, eyn vremde vrouwe tho is unde int negende
der nicht to en kumpt. Hyrenboven hevet her Edtsart de syne darup schickende ingenomen
unde beseitende.
De klage upp Foelff.
Item so my Foelff tho Zillenstede in der kercken in jegenwordicheyt vele vromer lüde,
beyde prester unde leyen, guedemenne unde knechte, my hevet gehuldiget, hantastinge doende,
my truwe unde holt tho wesende, unde my unde der myner beste tho wetende etc., war en boveu
he to Inhusen summyge deve, de den mynen dat eer Stelen, hevet upgeholden, szo he nuw int
lateste up schynbariger daet myt 26 scapen is betreden, de he to syner koken hadde snyden
laten, boven dat he woü wüste, dat sze eynem mynein undersaten unde meyger gestolen unde
affgegreven weren, szo de deeff on dat rede thovoren gesecht hadde, dar he sust synen doet
hevet up genomen, so do de dieff dusset myt meer ander deverie hyrnabescreven hadde bekant,
dat Foelff de10) scape to syner nutticheyt tor koken hadde gesneden, unde eyn ander, de in der
deverie synhulper was gewesen unde do tor tyt noch up Inhusen was untholden, waa mede be-
schuldigende; hebbe ick darupp den duchtigen Rickloff to Roeffhusen unde LJbben, mynen scryver,
wente an Foelffe geschickt, gutlicke vormanynge laten doen, dat mynem undersaten szodanne
scaep mochten betaelt werden, unde ick den anderen dieff, de se mede gestolen hadde, ock mochte
hebben halen laten, szo sick billicken my na den lofften unde hantastingen to Zillenstede in der
kercken szo bovengescr. to on woll vorsien hadde; des my do nicht van on hevet mögen bedien;
darover ick my myt on voruuwilligende on hebbe gefencklick genomen, unde isz my dersuifften
vengnysse halven loffloes, eerloes unde menedich geworden.
Item klage ick up Hicken to Goedensen, so ick on nuw am schirstvorgangen jair tho eyner
tyt tho Schortensen jegen my hebbe vorbodescuppen laten, on den drouw heren Edtsardes unde
der syner, de se my tytlykes jo de meer tho leden vorgevende, unde darup van on to weten be-
gerende, wes ick my to on vorsien scolde etc., warup he my beschedende, he my in nynen dingen wolde
entlegen syn, szo dat my unde den mynen van Goedensen nyn scade schien en scolde, noch ock doer
deme karspell Dickhusen, dar dat in syner macht weer to bekerende, dair he my in jegenwordicheyt
des kerckheren darsulvest unde meer ander vromen lüde hantastinge upp dede; warenboven he
my myt heren Edtsarde mede untseggende, sick tegen my unde den mynen myt rove unde brande
vyantlyken bewisende; sust is he my szodane loffte unde hantastige ock nedderfallich geworden.
10) Crk. to.
Iatesten hevet besproken, unde nuw myn oem Ede in Rustringen, de dair eyn recht arffgename
to weer gewesen, dat ock alszo bevestet hefft in synen Iatesten, szo ock syn nagelatene dochter
ock des8ulfften gelyken gedaen hefft, sust is my de borch Knypensen szo bovengenant van Iken
vader milder dechtnisse unde darneist van den rechten arven upgelaten unde gegeven, wente sze
my doch van rechte boerde, szo Binlop, Iken moder, eyn vremde vrouwe tho is unde int negende
der nicht to en kumpt. Hyrenboven hevet her Edtsart de syne darup schickende ingenomen
unde beseitende.
De klage upp Foelff.
Item so my Foelff tho Zillenstede in der kercken in jegenwordicheyt vele vromer lüde,
beyde prester unde leyen, guedemenne unde knechte, my hevet gehuldiget, hantastinge doende,
my truwe unde holt tho wesende, unde my unde der myner beste tho wetende etc., war en boveu
he to Inhusen summyge deve, de den mynen dat eer Stelen, hevet upgeholden, szo he nuw int
lateste up schynbariger daet myt 26 scapen is betreden, de he to syner koken hadde snyden
laten, boven dat he woü wüste, dat sze eynem mynein undersaten unde meyger gestolen unde
affgegreven weren, szo de deeff on dat rede thovoren gesecht hadde, dar he sust synen doet
hevet up genomen, so do de dieff dusset myt meer ander deverie hyrnabescreven hadde bekant,
dat Foelff de10) scape to syner nutticheyt tor koken hadde gesneden, unde eyn ander, de in der
deverie synhulper was gewesen unde do tor tyt noch up Inhusen was untholden, waa mede be-
schuldigende; hebbe ick darupp den duchtigen Rickloff to Roeffhusen unde LJbben, mynen scryver,
wente an Foelffe geschickt, gutlicke vormanynge laten doen, dat mynem undersaten szodanne
scaep mochten betaelt werden, unde ick den anderen dieff, de se mede gestolen hadde, ock mochte
hebben halen laten, szo sick billicken my na den lofften unde hantastingen to Zillenstede in der
kercken szo bovengescr. to on woll vorsien hadde; des my do nicht van on hevet mögen bedien;
darover ick my myt on voruuwilligende on hebbe gefencklick genomen, unde isz my dersuifften
vengnysse halven loffloes, eerloes unde menedich geworden.
Item klage ick up Hicken to Goedensen, so ick on nuw am schirstvorgangen jair tho eyner
tyt tho Schortensen jegen my hebbe vorbodescuppen laten, on den drouw heren Edtsardes unde
der syner, de se my tytlykes jo de meer tho leden vorgevende, unde darup van on to weten be-
gerende, wes ick my to on vorsien scolde etc., warup he my beschedende, he my in nynen dingen wolde
entlegen syn, szo dat my unde den mynen van Goedensen nyn scade schien en scolde, noch ock doer
deme karspell Dickhusen, dar dat in syner macht weer to bekerende, dair he my in jegenwordicheyt
des kerckheren darsulvest unde meer ander vromen lüde hantastinge upp dede; warenboven he
my myt heren Edtsarde mede untseggende, sick tegen my unde den mynen myt rove unde brande
vyantlyken bewisende; sust is he my szodane loffte unde hantastige ock nedderfallich geworden.
10) Crk. to.