Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0213
Overview
loading ...
Facsimile
0.5
1 cm
facsimile
Scroll
OCR fulltext
1484. 205

Loquarden, Eggerde unde Kenen gebrodere, hovetlinge to Loquarden unde in den Ha turne, hebben
eyne entlike stantafftige vruntscapp ghededinget unde uthgesproken in bywesent des eddelens
unde walgeborens unses gnedigens leven junckherens Ennens, grevens inne Oestvreslande, als eyn
overman inne der sake van beyden parten daerto ghebeden unde gekoren, unde oock junckheren
Edzardes, syner gnaden leven broders, greven daersulftes, inne wyse hijrna bescrevenn. Ten
ersten, als de erbaer vrouw Ette, Ubben ergenannt moder, was klagende uppe denne van Lo-
quarden umme eren bruetsehat, de eer nicht $oldc gheutert wesenn, als dat inne hilixvorworden
bededinget was, hiirentiegen hebben wy sehe«-:slieren ergenannt gekant, dat alsodane gave, als
vrouw Dedde milder dechtnisse Etten erer dov.;iter hedde ghegeven by eren sunden lyve unde
oeck inne erenn testamente, sali eynen voertga.ig hebben na meldent des testamentes, umme des-
wyllen efte vrouw Etten eere brnetschatt na beschede nicht gheutert en were; oeck als Ubben
modere was klagende upp denne voerbenomten brodere van Loquarden umme eyn gülden gor-
dell, ghewerdeert upp tachtentieh Rynsgulden, unde umme eyne sulveren schale, dat se erenn
vader Brunger milder dechtnisse gesandt hedde, hebben wy schedesheren gekant, dat de van
Loquardt soelen Ubben desulfte schale weddergeven unde daerto dertich Rynsgulden vernogen;
sali daermede sodane schelinge verliket unde vereniget wesenn. Forder, als Ubben ergenamt
moder was klagende umme eyn gülden span, dat Brunger eer vader solde versat hebben, daer
se dertich Postlatengulden wedder entiegen untfangen heft, hebben wy schedesheren gekant, dat
de van Loquardt scholen Ubben moder sodane span vry ane yenigen schaden wedder ter handt
lossen, wes dat boven de 30 Postlatengulden versat is. Forder, als de broder van Loquarden
ergenamt weren upp Ubben wedderumme klagende umme 4t perde, de eer vader milder decht-
nisse voer unde na solde Ubben gedaen hebben, als dan Ubben moder was wederumme klagende
upp denne van Loquardt umme eyn peerdt, eyn paer ossen, unde oek andere sulverwerck, is
dat eyne ghequytet entiegen dat ander. Forder, als de brodere van Loquarden weren klagende
upp Ubben to Upleuwarden van erer heerlicheit, dat Ubbe de eyn tut lang inne erer joghet
hebbe gebruket, unde solde daer mereklick gheneet äff hebben ghehat, als van broke, van
koeschattinge unde van anderen verfalle, des was Ubbe wedder klagende upp denne van Lo-
quardt, woe dat syn vader milder dechtnisse umme saugen Brungers wylle is ter vede ghekomen,
unde daerover ghevangen unde gheschattet, unde also tot drefliken schaden gekomen, hebben
wy schedesheren ergenamt inne vruntscapp ghefunden, dat dat eyne sali ghequytet wesen
entiegen dat andere, daer sick beyde parte an soelen genogen latenn. Hiir soelen alle de sche-
linge unde articnle inne dussen breve benonit unde oeck alle andere schelinge unde twidracht,
woedane de jewarlde voer dussen dagen synnen ghewesen, tusschen Ubben unde denne van Lo-
quarden alle ergenamt int ewich entliken, stede unde vast inne gueder stantafftiger vruntscap
mede gheacheden wesen, nummermeer bet uppe den anderen to klagenn noeh to sprekenn, Ubbe
ergenamt unde syne erven, boren unde ungeboren, nicht meer to klagen uppe denne van Lo-
quardt unde upp eren erven, boren unde ungeboren, de van Loquardt unde eer erven, boren unde
ungeboren, wedderumme nicht bet to spreken upp Ubben unde synen erven, boren unde unge-
boren, dit stede unde vast, als vorser. is, sunder yenich argeltst to holdenn by ener pena van
hundert Rynsgulden to verbreken inne unses gnädigen leven junckherens ergenant efte syner
erven handen, de van beyden parten des nicht en helde, als vorser. is. unde umme yenich de
vorser. schelinge bet klagede. By dusser schelinsre unde vruntlike uthsprake synnen mede, an
 
Annotationen