Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0376
Overview
loading ...
Facsimile
0.5
1 cm
facsimile
Scroll
OCR fulltext
368 1492.

1335.

Schutz- und Trutzbtindniss zuwehen den Häuptlingen Hüter Hero von Dornum und Edo Wiemken
einerseits und der Stadt Hamburg andererseits.

Orig. Perg. Grosse Urkundensammlung, Nr. 144.

29. September 1492.

Wij Hero von Dornutu ritter, to Esensee, Stedestorppe, Withmunde etc., Ede Wymeken
to Jever, Ostringk, Rostringh, hovedlinge, vor uns, unse erven unde undersaten eynss, unde wij
borgermeister unde radmanne der stad Haraburgh vor unss, unse nakomelinge unde undersaten
des anderen deeles, bekennen unde belügen apenbar in diesseme breve vor alssweme, dat wij
na guder betrachtinge, rypeme rade, wolvorbedachten mode unde fryhen willen, Gode aluiechticli
to lave, deme hilligen Romschen ryke tbo eren, deme gemenen besten to gude, ok umrae unrechter
gewald, averfallinge unde vorkortinge weddertostande, uns loffliken, leffliken unde frundliken
voreniget, vorstricket unde tohopesatet hebben, vorenigen, vorstricken unde tohopesaten uns
jegenwardigen in krafft diesses brieves in nabeserever wysse. Int erste unde boven all scholen
unde willen wij erben, hovetlinge mit allen unsen undersaten, tostenderen unde biplichteren den
gemenen unschuldigen seevarnden unde copman, sunderges der von Hamburgh borger, coplude
unde undersaten, beyde to water unde to lande, mit dem besten helpen, forderen, beschermen
unde beschütten unde in nenerleye wyse beschedigen noch ergern laten na alle unseme vermöge,
sunder jenige argelist, buthenbescheden apenbar vyende. Dergeliken scholen unde willen wij von
Hamburgh dhon wedderumme. [Ist ok jenige mishegeiieheid, twiste unde Unwille^ der eddelen
frouwen grevynnen, den greven, oren sonen, in Ostfresland, oren erven unde eren tostenderen
unde biplichteren eyns, unde uns erben. Hero van Dornum Unde Ede Wymmeken, edder uns
borgermeisteren unde radmannen der stad Hamburgh samptliken effte jeroande van uns bisunderen
des anderen deeles, / irrisen edder entstände wurde, dar unser eyn des andern, alsse wij Hero
unde Ede der ersamen von Hamburgh, unde wij von Hamburgh der erbarn, gestrengen unde
duebtigen Hero unde Eden vorb., to eren unde rechte mechtich sint, so scholen unde willen wij
unser eyn deme anderen sodane averfall unde unrechte gewald, de uns edder eneme jeweliken
von uns so von der grevynne unde greven unde eren tostenderen mochte weddervaren, schrif-
liken vorkundigen unde vorwitliken, unde sutkend an dejennen, dar uns dat äff weddervaret,
in der besten wyse mit erbedinge eren unde rechtes vorschriven, unde ifft men denne sulkend
nicht upnemen, men in unaebtsamheid vorleggen wurde, denne scholen unde willen wij, unser eyn
den anderen nicht vorlaten, men biplichten, hulpe unde trost to-donde na alleme vormoge went
tor saken entliken uthdracht, unde darumme uppe legelike stede unde beqweme tyde tosamen
komen unde spreken wo men den na gestaltnisse der sake de hulpe will ansetten, so dat de
eneme jeweliken na syner gelegenheyd möge profytlick unde nutte wesen. Ifft averst de aver-
fall, gewald unde feyde so hastich anqweme, so dat men von nod wegene darumme nicht konde
tosamene kamen van der hulpe wegene to handelende, so schall de befeydede dat an de anderen
vorschriven, unde des syne andacht unde meninghe van der hulpe to donde vorwitliken, dar sick
eyn jewelick von uns geborliken unde upriehtigen an schall hebben unde bewysen, darby to donde,
 
Annotationen