Universitätsbibliothek HeidelbergUniversitätsbibliothek Heidelberg
Metadaten

Friedländer, Ernst
Ostfriesisches Urkundenbuch (Band 2): 1471 - 1500 nebst Nachträgen und Anhang — Emden, 1881

DOI Page / Citation link: 
https://doi.org/10.11588/diglit.1951#0377
Overview
loading ...
Facsimile
0.5
1 cm
facsimile
Scroll
OCR fulltext
1492. 369

allse eyn von deme anderen gerne wolde gedan hebben, unde weme sodane hulpe gedan unde
ere bebold gesand wert, de sehall en denne kost unde gedrengke, dewyle de in erer hulpe sint,
bestellen; men de sulke hulpe uthschigken, scholen en kost unde theringe over wech, wente an
den de befeydet wert, bestellen unde soldye besorgen, so lange de in der bevededen hulpe sint
unde de vede duret. Neme ok de befeydede vramen1) in etene, schall to syner koken behoff
komen, averst neraen se in dingktale edder gefangen edder in jeniger anderen wyse vramen,
den schal men deelen na antale der werhafftigen, de den vromen geworven hebben. Weret ok
sake, dat jeinande von unsen uthgesandemo volke in sulker veyde wurde gefangen, dar God vor
sy, den scholen unde willen wij von den, de von uns unde den unsen sint weddergefangen edder
vangende werden, jegener geven, dewyle der welke sint; beholde wij denne jenige fangen aver,
de scholen wij gelik deelen na antale der hulpe, twe to vote vor enen to perde gerekend; hadden
ok unse fangen nene jegener, so scholen wij de wedderlosen, ok na antale der hulpe; worden
ok von uns jenige slote, veste edder stede gewunnen, dar jemande von uns tovoren jenige rechtieheid
ane gehad hedde, de scholen denne darby blyven; worde averst wes bekrechtiget, dar nemand
von uns tovoren jenige rechticheyd to gehad hadde, scholen to unser alle beste wesen; welk ok
von uns erben, mit unser alle wetende tor feyde is gekomen, de en schall nicht affsonen, wij en
sint den alle in der sone mede begrepen unde wol daran besorget, unde unser eyn schall deme
anderen de tijd diesser tohopesate nicht vorlaten, unde alle dingk keren unde duden ton besten
unde mit allen truwen unde loven bistendich unde radsam wesen sunder alle geverde. Diesse
tohopesate schall up sunte Michaelis dagh angan unde de neghstkomende teyn jar sunder middel
folgende duren, unde ifft wy des synnes worden desse tohopesate ton leggende, so scholen wij
eyn halff jar tovoren darumme to hope koraene. Alle unde isliche vorscreven stucke, puncto unde
artikell samptliken unde bisunderen laven wij Hero van Dornum unde Ede Wymmeken erben,
vor uns, unsse erven unde undersaten enes, unde wij borgermeistere unde radmanne der stad
Hamburgh vor uns, unse nakomelinge unde undersaten des anderen deles, unser eyn deme anderen
in groteme geloven geloffliken by unsen truwen unde eren sunder jenigerleye argelist stede, vast
unde unvorbraken wol to holdende; unde des to groter tuchnisse hebben wij unser jewelick syn
ingesegell witliken benedden an diessen breff gehangen, der twe synt enes ludes, den enen wij
Hero von Dornum unde Ede Wymmeken, unde den anderen by uns borgermeisteren unde rad-
mannen hebben in vorwaringe. Gegeven unde gescreven nach Cristi gebord unses Heren verteyn-
hundert ime twe unde negentighsten jare, ame dage Michaelis archangeli.

Die Siegel sind gut erhalten. 1. quadrirt, 1 und 4 zwei ins Andreaskreuz gestellte Peitschen, 2 und 3

rechtsaufgerichteter Bär. Helm mit den Peitschen. 2- Rechtsaufgerichteter Löwe. 3. Das grosse

Stadtsiegel.

1335. l) = Frommen, Nutzen.
 
Annotationen